ក្នុងរឿងរ៉ាវខាងលើនេះ សមាគមសេរីភាពអ្នកសារព័ត៌មានកម្ពុជា កំពុងតែធ្វើការតាមវិជ្ជាជីវរបស់ខ្លួនព្រមទាំងតាមឃ្លាំមើលយ៉ាងយកចិត្តទុកដាក់បំផុត ។
សមាគមនឹងយកអត្ថបទដើមរបស់គេហទំព័រដើមរាំងដែលមានខ្លឹមសារដូចខាងក្រោមនេះ ៖
រឿងប្ដឹងអ្នកកាសែតនិងពលរដ្ឋ៤នាក់ទៀត ពីបទញុះញង់ដោយទារ.សំណងជិត១០ម៉ឺនដុល្លារ ចុងចោទអះអាងថាជាការប្ដឹងបង្កាច់កេរ្តិ៍ !
(ព្រៃវែង)៖ ផ្ដើមចេញពីទំនាស់រំលោភយកដីអូរសាធារណៈ១កន្លែង ទំហំជាងកន្លះហិកតា ត្រង់ចំណុចត្រពាំងខ្វែក ស្ថិតនៅភូមិពោធិ៍សាបាង ឃុំរាប ស្រុកពារាំង ខេត្តព្រៃវែង។
៚ដីនោះភាគីម្ខាងស្នើសូមរក្សាទុកជាសម្បត្តិរដ្ឋដដែល និងភាគីម្ខាងទៀត ទាមទាររំលោភធ្វើជាកម្មសិទ្ធផ្ទាល់ខ្លួន!។
ទោះជាយ៉ាណាក៍ដោយ ទំនាស់មួយនេះ បានបំប្លែងក្លាយជារឿងព្រហ្មទណ្ឌ ប្ដឹងទៅប្ដឹងមក ខណៈដំណោះស្រាយនៅសាលាឃុំរាប ពុំទាន់ដាច់ស្រេច។
ជាក់ស្ដែង៖ ភាគីអ្នកចង់បានដីសាធារណៈធ្វើជាកម្មសិទ្ធ បានប្ដឹងលោក ចាន់ ថន នាយកប្រតិបត្តិនៃគេហទំព័រ«ដើមរាំង» រួមនិងពលរដ្ឋជាភាគីទំនាស់ចំនួន០៤នាក់ទៀត ។
ពីបទ៖(ញុះញង់ឱ្យប្រព្រឹត្តបទឧក្រឹដ្ឋជាអាទិ៍.បង្កភាពវឹកវរ) ដោយទាមទារសំណងចំនួន.៣០០លានរៀល(ស្មើនឹង៧៥.០០០$)។
បច្ចប្បន្ន៖ បណ្ដឹងនេះនៅក្នុងសំណុំរឿងព្រហ្មទណ្ឌលេខ.៣៨២ ចុះថ្ងៃទី០៨.០៧.២០២១ របស់អយ្យការអមសាលាដំបូងខេត្តព្រៃវែង ។
ដែលមានលោកស្រី អ៊ុំ រ័ត្ននា ព្រះរាជអាជ្ញារង ជាអ្នកទទួលបន្ទុកក្នុងការអនុវត្តនីតិវិធី។
សូមជម្រាបថា៖ ដើមចោទឈ្មោះ គុន សុផល ភេទប្រុសអាយុ៣៧ឆ្នាំ មានទីលំនៅភូមិពោធិ៍សាបាង ឃុំរាប ស្រុកពារាំង ខេត្តព្រៃវែង ជាប្រធានអង្គការអភិរក្សប្រចាំខេត្តមណ្ឌលគិរី។
រីឯចុងចោទទី១៖ ឈ្មោះ ជា ពិសី ភេទស្រីអាយុ៣៤ឆ្នាំ។
២៖ ឈ្មោះ ស៊ីម សុំ ភេទប្រុសអាយុ៤៧ឆ្នាំ។
៣៖ ឈ្មោះ សន អូន ភេទស្រី៤៨ឆ្នាំ។
៤៖ ឈ្មោះ ឃឿន ខន ភេទប្រុសអាយុ៣៧ឆ្នាំ.អ្នកទាំង៤.មានទីលំនៅភូមិពោធិ៍សាបាង ឃុំរាប ស្រុកពារាំង ខេត្តព្រៃវែង។
៥៖ លោក ចាន់ ថន នាយកប្រតិបត្តិនៃគេហទំព័រ«ដើមរាំង»។
ចុងចោទចំនួន៤នាក់ បានអះអាងថា៖ ពួកខ្លួនបានចូលបំភ្លឺ និងផ្ដល់ចំលើយ ជូនតំណាងអយ្យការ រួចរាល់ហើយ កាលពីថ្ងៃទី០៩.០៨.២០២១។
ដោយបញ្ជាក់ថា៖ ពួកគាត់ពុំបាន.ញុះញង់ឱ្យប្រព្រឹត្តបទឧក្រឹដ្ឋជាអាទិ៍.បង្កភាពវឹកវរ ដូចដែលដើមចោទ ប្ដឹងបង្កាច់កេរ្តិ៍នោះទេ!។
ចុងចោទបន្តថា៖ ដើមចមដំបូង នៅកំឡុងដើម.ខែមិថុនាឆ្នាំ២០២១ គ្រួសារបងប្អូនដើមចោទ ។
បានទៅកាប់ព្រៃដុតព្រៃ ដែលជាដីអូរសាធារណៈ ត្រង់ចំណុចខាងលើ ដើម្បីរំលោភយកធ្វើជាកម្មសិទ្ធ!។
ខណៈនោះពួកខ្លួន បានហាមឃាត់ និងប្ដឹងទៅអាជ្ញាធរភូមិ.ឃុំ.ស្រុក.ដើម្បីឱ្យជួយទប់ស្កាត់និងដោះស្រាយ។
ព្រោះថា៖ ដីអូរសាធារណៈនោះ ជាកន្ទុយដីអាស្រ័យផល របស់ឪពុកពួកខ្លួន ។
ខណៈដើមចោទនិងគ្រួសារ ពុំមានដីនៅទីនោះឬជាប់នោះឡើយ។
ពោលគឺគ្រួសារដើមចោទ មករំលោភយកឆៅៗ ដោយផ្អែកថា៖ ធ្លាប់អាស្រ័យផល ដាក់(ម៉ាស៊ីនបូបទឹក)នៅលើដីនោះ ។
មិនតែប៉ុណ្ណោះ ក្រោយកើតរឿងប្ដឹងផ្ដល់ពុំទាន់ចប់ បែរជាគ្រួសារដើមចោទ រួមនិងបក្ខពួក បន្តរឹងរូសមានះកាន់កាប់ដាំដំណាំ ដាំបង្គោលថ្ម លើដីនោះទាំងបំពាន ដោយចិត្តឯង ។
ក្នុងនោះដែរអាជ្ញាធរឃុំរាប បានសម្រេចរក្សាទុកដីចំណីអូរនោះ«ជាសម្បត្តិរដ្ឋ»គឺតាមការស្នើសុំរបស់ឪពុកភាគីចុងចោទ ។
ប៉ុន្តែគ្រួសារដើមចោទមិនព្រម ដោយប្រកាន់ភ្ជាប់ថា៖ ដឹងតែយកដីនោះធ្វើជាកម្មសិទ្ធ ។
ទើបលោក ផន ផល មេឃុំ បញ្ជូនរបាយការណ៍ ទៅសាលាស្រុកពារាំង ដើម្បីរង់ចាំការដោះស្រាយបន្ត..!។
ចុងចោទបញ្ជាក់ទៀតថា៖ ក្រោយឃើញគ្រួសារដើមចោទ នៅតែបន្តឈូសឆាយដាំបង្គោលថ្ម កាន់កាប់ទាំងបំពានមិនឈប់ឈរបែបនោះ ។
ខ្លួនក៍អញ្ជើញអ្នកសារព័ត៌មាន ឱ្យទៅយកព័ត៌មាន នៅកន្លែងដីអូរសាធារណៈខាងលើ។
ដើម្បីធ្វើផ្សព្វផ្សាយ ជូនមហាជន និងថ្នាក់ដឹកនាំ ឱ្យបានដឹងបានឮ.រាល់សកម្មភាព រំលោភយកដីអូរសាធារណៈ ពីសណាក់គ្រួសារដើមចោទ.ក្នុងបំណងឱ្យថ្នាក់ដឹកនាំ ជួយទប់ស្កាត់.និងដោះស្រាយទាន់ពេល!។
មិនដូច្នេះអី៖ ក្រោយសារព័ត៌មានផ្សព្វផ្សាយ! ស្រាប់តែបុគ្គល គុន សុផល ជាភាគីគ្រួសារអ្នកឈូសឆាយដីអូរសាធារណៈ ។
បានប្ដឹងលោក ចាន់ ថន នាយកប្រតិបត្តិនៃគេហទំព័រ«ដើមរាំង» រួមនិងចុងចោទទាំង៤នាក់ខាងលើ។
ទៅតុលាការពី៖(ញុះញង់ឱ្យប្រព្រឹត្តបទឧក្រឹដ្ឋជាអាទិ៍បង្កភាពវឹកវរ) ដោយទាមទារសំណងចំនួន៣០០លានរៀល(ស្មើនិង៧៥.០០០$)។
ក្នុងករណីនេះដើមចោទឈ្មោះ គុន សុផល បាននិយាយថា«មូលហេតុដែលខ្លួន ប្ដឹងលោក ចាន់ ថន ទៅតុលាការ។
ក៍ព្រោះតែខឹងនិង គេហទំព័រ«ដើមរាំង» ផ្សាយរឿងទំនាស់ដីធ្លី ។
របស់លោកដដែលៗ Update ចំនួន២ទៅ៣ដង បណ្ដាលឱ្យប៉ះពាល់កិត្តិយស.របស់លោក»។
ជាការឆ្លើយតបលោក ចាន់ ថន នាយកប្រតិបត្តិនៃគេហទំព័រ«ដើមរាំង»បានបញ្ជាក់ថា៖ បើខ្ញុំផ្សាយខុស ឬខ្វះចន្លោះត្រង់ណា? សាម៉ីខ្លួនអាចបង្ហាញភស្ថតាងនិងស្នើមកអង្គភាព ។
ដើម្បីបកស្រាយបំភ្លឺឡើងវិញ ឬមានសិទ្ធ ប្ដឹងបទ៖«បរិហារកេរ្តិ៍ផ្សាយព័ត៌មានមិនពិត»។
