ខេត្តកណ្តាល ៖ ថ្ងៃទី១៩ ខែតុលា ឆ្នាំ២០២១ វេលាម៉ោង០០ នឹង០៥ នាទី សមត្ថកិច្ចបានឃាត់ខ្លួនយុវជន ០៤ នាក់ ខណៈពេលកំពុងទាក់ឆ្កែប្រជាពលរដ្ឋនីក្នុងភូមិ នៅងចំណុចភូមិព្រែកដូង ឃុំកំពង់ស្វាយ ស្រុកកៀនស្វាយ ខេត្តកណ្ដាល។
ជនសង្ស័យមានគ្នា០៤នាក់ ភេទប្រុស÷
១/ឈ្មោះវ៉េង សិលា ហៅខ្លី ភេទប្រុសអាយុ២៤ឆ្នាំជនជាតិខ្មែរ មុខរបរ កម្មករសំណង់ មានទីលំនៅភូមិកំពង់សំបួរលើ ឃុំព្រែកថ្មី ស្រុកកោះធំ ខេត្តកណ្ដាល(ឃាត់ខ្លួន)។
២/ឈ្មោះឡេង វណ្ណារ៉ា ហៅទុង ភេទប្រុសអាយុ២៩ឆ្នាំ ជនជាតិខ្មែរ មុខរបរ កម្មករសំណង់ មានទីលំនៅភូមិស្វាយលើ ឃុំព្រែកថ្មី ស្រុកកោះធំ ខេត្តកណ្ដាល(ឃាត់ខ្លួន)(ធ្លាប់ជាប់ពន្ធនាគាររយះពេល០៦ខែ)។
៣/ឈ្មោះផន ពេជ្រ ហៅស្រ៊ុន ភេទប្រុសអាយុ២៨ឆ្នាំ ជនជាតិខ្មែរ មុខរបរ កម្មករសំណង់ មានទីលំនៅភូមិព្រែកតាដួង ឃុំព្រែកថ្មី ស្រុកកោះធំ ខេត្តកណ្ដាល(ឃាត់ខ្លួន)។
៤/ឈ្មោះយ៉ែម ជីវ័ន្ដ ភេទប្រុស អាយុ២៣ឆ្នាំ ជនជាតិខ្មែរ មុខរបរ កម្មករសំណង់ មានទីលំនៅភូមិព្រែកតាដួង ឃុំព្រែកថ្មី ស្រុកកោះធំ ខេត្តកណ្ដាល(រត់គេចខ្លួន) ។
ជនសង្ស័យទាំង០៤នាក់ បានជិះម៉ូតូចំនួនពីគ្រឿង០១គ្រឿងម៉ាកស៊ុយស៊ូគីស្មាស់ស៊េរី២០០៩ពាក់ស្លាកលេខកណ្ដាល1H.1590ពណ៌ខ្មៅបិទស្កុតពណ៌ខ្មៅ នឹង០១គ្រឿងទៀតម៉ាកសេ១១០ពណ៌ខ្មៅស៊េរីឆ្នាំ២០១២ មិនចាំស្លាកលេខ ដោយឈ្មោះឡេង វណ្ណារ៉ា ហៅទុងភេទប្រុស ជិះម៉ូតូម៉ាកសេ១១០ស៊េរី២០១២ពណ៌ខ្មៅឌុបឈ្មោះយ៉ែម ជីវ័ន្ដ ភេទប្រុសកាន់ដងសម្រាប់ទាក់សត្វឆ្កែ ចំណែកឈ្មោះវ៉េង សិលាភេទប្រុសជិះម៉ូតូម៉ាកស៊ុយស៊ូគីស្មាសឌុបឈ្មោះផន ពេជ្រ ហៅស្រ៊ុន ភេទប្រុសជិះតាមពីក្រោយ ដើម្បីរើសសត្វឆ្កែដែលបក្ខពួកទាក់បាន។
ចេញពីសង្កាត់ស្វាយរលំ ក្រុងតាខ្មៅ ខេត្តកណ្ដាល(កន្លែងធ្វើសំណង់)ដើម្បីទាក់សត្វឆ្កែ លុះពេលជិះម៉ូតូមកដល់សង្កាត់ព្រែកថ្មី ខណ្ឌច្បារអំពៅ (ផ្លូវ១១០) ក្រុមជនសង្ស័យទាក់បានសត្វឆ្កែចំនួនមួយក្បាលសម្បុខ្មៅ(ញី) ហើយក៍នាំគ្នាជិះម៉ូតូមកខាងស្រុកកៀនស្វាយ ។
លុះជិះម៉ូតូមកដល់ភូមិព្រែកដូង ឃុំកំពង់ស្វាយ ខេត្តកណ្ដាល ក្រុមជនសង្ស័យបានធ្វើសកម្មភាពទាក់សត្វឆ្កែបានចំនួនមួយក្បាលទៀត សម្បុចំប៉ា(ឈ្មោល) ទទួលពេលនោះ កម្លាំងនគរបាលប៉ុស្តិ៍កំពង់ស្វាយល្បាតមកដល់ចំណុចនោះឃើញមានការសង្ស័យក៍ឃាត់ ដើម្បីសួរនាំឃើញមានវត្ថុតាង និងសម្ភារៈធ្វើសកម្មភាពបាននាំខ្លួនក្រុមជនសង្ស័យមកប៉ុស្តិ៍នគរបានកំពង់ស្វាយ ចំណែកជនសង្ស័យឈ្មោះយ៉ែម ជីវ័ន្ដ័ ភេទប្រុស បានជិះម៉ូតូម៉ាកសេ១១០ ស៊េរី២០១២ពណ៌ខ្មៅរត់គេចខ្លួនបាត់។
នៅចំពោះមុខសមត្ថកិច្ច ក្រុមជនសង្ស័យទាំងបីនាក់ខាងលើបានឆ្លើយសារភាពថាៈពួកខ្លួនរួមជាមួយឈ្មោះយ៉ែម ជីវ័ន្ដ ភេទប្រុសពិតជាបានប្រព្រឹកអំពើ លួច(ទាក់សត្វឆ្កែ)ពិតប្រាកដមែន។
បច្ចុប្បន្ន ជនសង្ស័យ រួមជាមួយវត្ថុតាងកំពុងឃាត់ខ្លួនបណ្ដោះអាសន្ននៅអធិការដ្ឋាននគរបាលស្រុកកៀនស្វាយដើម្បីបន្តនីតិវិធីច្បាប់ ៕
