ខេត្តកណ្តាល ៖ ថ្ងៃទី១៩ ខែតុលា ឆ្នាំ២០២១ វេលាម៉ោង០៧ នឹង៤៥នាទី ផ្ទះវេលុយវីង ភូមិពពាលខែ ឃុំដីឥដ្ឋ ស្រុកកៀនស្វាយ ខេត្តកណ្ដាល កើតមានករណីជនសង្ស័យចំនួន ០៤ នាក់ បានបន្លំលួចលុយនិងគេចខ្លួនបាត់ តែត្រូវសមត្ថកិច្ចឃាត់ខ្លួនបានមួយនាក់ ក្នុងចំណោមបក្ខពួក ក្រោយសេចក្តីរាយការណ៍ពីជនរងគ្រោះ ។
ជនរងគ្រោះឈ្មោះ លាក់ សុថា ភេទប្រុស អាយុ៥៧ឆ្នាំ ជនជាតិខ្មែរ មុខរបរលក់ដូរមានទីលំនៅភូមិពពាលខែល ឃុំដីឥដ្ឋ ស្រុកកៀនស្វាយខេត្តកណ្ដាល។
ជនសង្ស័យមានគ្នាបួននាក់ ៖
១/ឈ្មោះស៊ឹម រតនា ភេទប្រុសអាយុ២៦ឆ្នាំជនជាតិខ្មែរ មុខរបរ មិនពិតប្រាកដ មានទីលំនៅក្រុមទី៥ សង្កាត់មនោរម្យ ខណ្ឌ៧មករា រាជធានីភ្នំពេញ(ឃាត់ខ្លួន)។
២/ឈ្មោះសៀង ចាន់នី ភេទស្រី អាយុ៣៩ឆ្នាំ ជនជាតិវៀតណាម មុខរបរមិនពិតប្រាកដ មានទីលំនៅផ្ទះជួល សង្កាត់ទួលទំពូង ខណ្ឌចំការមនរាជធានីភ្នំពេញ(គេចខ្លួន)។
៣/ឈ្មោះឌឿន (មិនស្គាល់ត្រកូល)ភេទប្រុស អាយុ៣៨ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅផ្ទះជួលសង្កាត់ទួលទំពូង ខណ្ឌចំការមន រាជធានីភ្នំពេញ(គេចខ្លួន)។
៤/ឈ្មោះបីន (មិនស្គាល់នាមកូល) ភេទប្រុស អាយុ៣៨ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅផ្ទះជួលសង្កាត់ទួលទំទូង ខ័ណ្ឌ ចំការមន រាជធានី ភ្នំពេញ (គេចខ្លួន) ។
ឈ្មោះលាក់ សុថា ភេទប្រុសអាយុ៥៧ឆ្នាំជនជាតិខ្មែរ មុខរបរលក់ដូរ មានទីលំនៅភូមិពពាលខែ ឃុំដីឥដ្ឋ ស្រុកកៀនស្វាយ ខេត្តកណ្តាល ម្ចាស់ផ្ទះវេរលុយវីងកំពុងឈរលក់ដូរនៅផ្ទះរបស់ខ្លួន ស្រាប់តែជនសង្ស័យមានគ្នាចំនួន០៤នាក់ខាងលើ ជិះម៉ូតូចំនួន០២គ្រឿងម៉ាក់HONDA.DREAM.C125 ពណ៍ខ្មៅមិនស្គាល់ស៊េរីមិនស្គាល់ផ្លាកលេខ ទាំងពីរមកឈប់មុខផ្ទះរបស់ឈ្មោះលាក់ សុថា ភេទប្រុស រួចឈ្មោះសៀង ចាន់នី ភេទស្រី ធ្វើជាទិញកាត់ទូរស័ព្ទ០១ដុល្លារ នឹងបារីចំនួន០៨ដើម ពីឈ្មោះលាក់ សុថា ភេទប្រុស ក្រោយពីទិញរួច ជនសង្ស័យទាំងបួននាក់ ក៏នាំគ្នាជិះម៉ូតូចេញបាត់អស់ ។ បានមួយសន្ទុះក្រោយមក ក្រុមជនសង្ស័យទាំងបួននាក់ បានជិះម៉ូតូត្រឡប់មកវិញ ពេលនោះជនសង្ស័យម្នាក់ឈ្មោះ សៀង ចាន់នី ភេទស្រី បានស្រែកទិញទឹកដោះគោឆៅមួយឡូ ពីឈ្មោះលាក់ សុថា ភេទប្រុស ហើយ ឈ្មោះលាក់ សុថា ភេទប្រុស បានយកទឹកដោះគោឆៅមួយឡូអោយទៅឈ្មោះសៀង ចាន់នី ភេទស្រី ភ្លាមនោះឈ្មោះសៀង ចាន់នី ភេទស្រី បានដកប្រាក់រៀលក្រដាស់១០០០៛(មួយពាន់រៀល) ម្តងមួយសន្លឹកម្តងអោយទៅ ឈ្មោះលាក់ សុថា ភេទប្រុស ស្រាប់តែពេលនោះជនសង្ស័យម្នាក់ឈ្មោះសឹម រតនា ភេទប្រុសអាយុ២៦ឆ្នាំ ដើរទៅចូលក្នុងកន្លែងវេរលុយវីង រួចធ្វើសកម្មភាពលួចយកលុយពីក្នុងកេសទូរដាក់លុយកន្លែងវេរលុយវីង តែត្រូវ ឈ្មោះលាក់ សុថា ភេទប្រុស ដឹងទាន់បានធ្វើការឃាត់ខ្លួនជនសង្ស័យឈ្មោះ ស៊ឹម រតនា ភេទប្រុសបាននៅកន្លែងកើតហេតុ ចំនែកជនសង្ស័យចំនួន០៣នាក់ទៀតបានជិះម៉ូតូគេចខ្លួនបាត់អស់ ។ បន្ទាប់មកឈ្មោះលាក់ សុថា ភេទប្រុសបានប្ដឹងនគរបាលប៉ុស្តិ៍ដីឥដ្ឋ ។
ក្រោយពីទទួលបានព័ត៌មានបានភ្លាមកំលាំងប៉ុស្តិ៍នគរបាលរដ្ឋបាលដីឥដ្ឋសហការជាមួយកំលាំងផ្នែកជំនាញបានចុះដល់ចំណុចកើតនាំខ្លួនជនសង្ស័យមកសួរនាំនៅប៉ុស្តិ៍នគរបាលរដ្ឋបាលដីឥដ្ឋ ក្រោយពីសួរនាំរួច នៅចំពោះមុខសមត្តកិច្ចជនសង្ស័យបានសារភាពថា ៖ ខ្លួននិងបក្ខពួកពិតជាបានធ្វើសកម្មភាពលួចលុយពីកន្លែងវេរលុយវីងរបស់ជនរងគ្រោះខាងលើពិតប្រាកដមែន ជនសង្ស័យបានសារភាពបន្តទៀតថាៈខ្លួនរួមហ្នឹងបក្សពួកធ្លាប់បានធ្វើសកម្មភាពលួចបែបនេះចំនួន០២ដងរួចមកហើយ ។
+លើកទី០១ នៅថ្ងៃទី១១ខែតុលាឆ្នាំ២០២១ វេលាម៉ោង០៨និង០៥នាទី ខ្លួននឹងបក្សពួកបានធ្វើសកម្មភាពលួចលុយក្នុងតូបវីងមួយកន្លែងស្ថិតនៅក្នុងភូមិជ័យឧត្តម២ឃុំសំរោងធំស្រុកកៀនស្វាយខេត្តកណ្តាល បានប្រាក់រៀលចំនួន៣.០០០.០០០៛(បីលានរៀល) ប្រាក់ដុល្លារចំនួន៩០០$(ប្រាំបួនរយដុល្លារ) នឹងខ្សែដៃផ្លាកទីនមួយខ្សែ បានសំរេច។
+លើកទី២ នៅថ្ងៃមិនចាំ ខែតុលា ឆ្នាំ២០២១ ម៉ោង០៧នឹង៣០នាទី រូបខ្លួនហ្នឹងបក្សពួកបានធ្វើសកម្មភាពលួចលុយនៅទីតាំងមួយកន្លែងមិនស្គាល់ច្បាស់នៅតាមបណ្តោយផ្លូវជាតិលេខ១ តែមិនបានសំរេច។
+លើកទី៣ នៅថ្ងៃទី១៩ខែតុលាឆ្នាំ២០២១ វេលាម៉ោង០៧នឹង៤៥នាទី នៅចំណុចតូបវីងមួយកន្លែងស្ថិតក្នុងភូមិពពាលខែឃុំដីឥដ្ឋស្រុកកៀនស្វាយខេត្តកណ្តាល ក៏ត្រូវម្ចាស់កន្លែង វេរលុយវីងតាមទាន់ឃាត់ខ្លួនបានតែម្តង។
ក្រោយពីសួរនាំរួចជនសង្ស័យរួមហ្នឹងវត្ថុតាងបានបញ្ចូនមកកាន់អធិការដ្ឋាននគរបាលស្រុកកៀនស្វាយដើម្បីចាត់ការតាមនិតិវិធី ៕
