កណ្ដាល ៖ នៅថ្ងៃអាទិត្យ ៣កើត ខែកក្តិក ឆ្នាំឆ្លូវ ត្រីស័ក ពស២៥៦៥ ត្រូវនឹងថ្ងៃទី០៧ ខែវិច្ឆិកា ឆ្នាំ២០២១ ករណី:បង្ក្រាបល្បែងស៊ីសងខុសច្បាប់(ជល់មាន់) ។
កើតហេតុៈ ថ្ងៃទី០៧ ខែវិឆ្ឆិកា ឆ្នាំ២០២១ វេលាម៉ោង១២ និង ១០នាទី
ចំណុចកើតហេតុៈ ភូមិកណ្តាលលើ ឃុំបន្ទាយដែក ស្រុកកៀនស្វាយ ខេត្តកណ្ដាល។
ជនសង្ស័យ០១ នាក់ ។
១/ឈ្មោះដុស សុខែត ប្រុស អាយុ៣២ឆ្នាំ ជនជាតិខ្មែរ មុខរបរបើកឡានផែ មានទីលំនៅភូមិកណ្តាលលើ ឃុំបន្ទាយដែក ស្រុកកៀនស្វាយ ខេត្តកណ្ដាល។
*សម្ភារ:ចាប់យករួមមាន÷*
១/ ម៉ូតូមួយគ្រឿងម៉ាក់សេ១២៥ ពណ៌ខ្មៅ ផលិតឆ្នាំ២០១២ ពាក់ស្លាកលេខ ភ្នំពេញ1BI-2989។
២/ម៉ូតូមួយគ្រឿងម៉ាក់សេ១២៥ ពណ៌ខ្មៅ ផលិតឆ្នាំ២០១៤ ពាក់ស្លាកលេខ ព្រះសីហនុ1G-7852។
៣/ម៉ូតូមួយគ្រឿងម៉ាក់ សេ១១០ ពណ៌ក្រហមពាក់ស្លាកលេខ ភ្នំពេញ 1L-4873។
៤/ម៉ូតូមួយគ្រឿងម៉ាកហុងដាវ៉េវអ៉ីអ៊ិច សេ១១០ ពាក់ស្លាកលេខ កណ្តាល 1Q-0934។
៥/ម៉ូតូមួយគ្រឿងម៉ាក់ស៊ុយសូគីវ៉វ៉ា សេ១១០ ផលិតឆ្នាំ២០០៦ ពណ៌ខ្មៅពាក់ស្លាកលេខ ភ្នំពេញ 1J-0069។
៦/ម៉ូតូមួយគ្រឿងម៉ាក់សេ១២៥ ពណ៌ខ្មៅផលិតឆ្នាំ២០០៩ ពាក់ស្លាកលេខ តាកែវ 1D-5098។
៧/ម៉ូតូមួយគ្រឿងម៉ាក់សេ១២៥ ពណ៌ខ្មៅផលិតឆ្នាំ២០១៦ ពាក់ស្លាកលេខ ភ្នំពេញ 1FO-1264។
៨/មាន់ជល់ចំនួន០១ក្បាល ។
៩/ កន្ត្រកសម្រាប់ដាក់មាន់ចំនួន០៣កន្ត្រក ។
១០/ស្កុតសម្រាប់រុំជើងមាន់ចំនួន២៨ដុំ ។
– នៅថ្ងៃ ខែ ឆ្នាំវេលាម៉ោងដូចខាងលើកម្លាំងផ្នែកនគរបាលយុត្តិធម៌ សហការណ៍ជាមួយកំលាំងប៉ុស្តិ៍នគរបាលរដ្ឋបាលបន្ទាយដែក បានល្បាតតាមភូមិសាស្ត្រស្មុគស្មាញ ។ ពេលមកដល់ចំណុចកើតហេតុខាងលើ ក៍មានប្រជាពលរដ្ឋល្អបានផ្ដល់ព័ត៌ថា មានមនុស្សមួយក្រុមកំពុងលេងល្បែងស៊ីសងខុសច្បាប់ជល់សត្វមាន់។
ក្រោយពីទទួលបានព័ត៌មាន កំលាំងផ្នែកនគរបាលយុត្តិធម៌ស្រុកកៀនស្វាយ នឹងកំលាំងប៉ុស្តិ៍នគរបាលរដ្ឋបាលបន្ទាយដែក បានធ្វើការបង្ក្រាប ទីតាំងជល់សត្វមាន់នៅចំណុចខាងលើ ឃាត់ខ្លួនជនសង្ស័យ រួមទាំងវត្ថុតាង ដូចខាងលើ យកមកផ្នែកនគរបាលយុត្តិធម៌ដើម្បីសួនាំ នៅចំពោះមុខសមត្ថកិច្ចជនសង្ស័យខាងលើបានឆ្លើយសារភាពថាៈខ្លួន រួមជាមួយមនុស្សមួយក្រុមមានគ្នាប្រហែលដប់នាក់ ពិតជាបានលេងល្បែងស៊ីសងខុសច្បាប់ (ជល់មាន់)ពិតមែន ។
បច្ចុប្បន្ន ជនសង្ស័យ រួមទាំងវត្ថុតាងកំពុងកសាងសំណុំឯកសារ ដើម្បីបន្តនីតិវិធី ៕
