(កំពង់ចាម)៖នៅក្នុងឱកាសបើកបវេសនកាលឆ្នាំសិក្សា២០១៩-២០២០ នាវិទ្យាល័យអប់រំ ពិសេសកំពង់ចាមនេះឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន និងលោកជំទាវ បានអញ្ជើញជាអធិបតី និងបានជួបសំណេះសំណាលសួរសុខទុក្ខជាមួយ លោកគ្រូអ្នកគ្រូ និងសិស្សានុសិស្សជាកុមារពិការភ្នែក និងគរ ថ្លង់ ដែលកំពុងសិក្សា ក្នុងវិទ្យាល័យនេះ នៅព្រឹកថ្ងៃទី ខែវិច្ឆិកាឆ្នាំ២០១៩។
បើតាមការបញ្ជាក់របស់គណៈគ្រប់គ្រងសាលាបានអោយ ដឹងថា វិទ្យាល័យអប់រំពីសេសកំពង់ចាម ជា អតីតសាលាកុមារពិការភ្នែក ឬកុមារគថ្លង់ កំពង់ចាម របស់អង្គការគ្រួសារថ្មី ដែលបានបង្កើតឡើងក្នុងឆ្នាំ២០០២ប៉ុន្តែក្រោយមកបានប្តូរ ឈ្មោះទៅជាវិទ្យាល័យអបរំពឹសកំពង់ចាមចាប់ពីឆ្នាំសិក្សា២០១៧-២០១៨ ។
នៅក្នុងឱកាសនោះឯកឧត្តម រដ្ឋមន្ត្រី ខៀវ កាញារីទ្ធ បានលើកឡើងនូវ ប្រសាសន៏ផ្តាំផ្ញើសាកសួរសុខទុក្ខពីសំណាក់សម្តេចតេជោនាយករដ្ឋមន្ត្រី ហ៊ុន សែន ដែលជានិច្ចកាលតែងតែបានគិតគួរពីសុខទុក្ខនិងជីវភាពរស់នៅរបស់ក្មួយៗជាកុមារពិការភ្នែក កុមារគ ថ្លង់ និងកុមារខ្សោយសតិបញ្ញា ក្នុងការធ្វើយ៉ាងណាអោយ ក្មួយៗទាំងអស់ទទួលបាន ភាពកក់ក្តៅ និងទទួលការសិក្សា មានចំណេះដឹងខ្ពង់ខ្ពស់ អនាគតល្អដូចអ្នកដែលមានរាង កាយពេញលក្ខណះដែរ។ឯកឧត្តម រដ្ឋមន្ត្រី បានលើកទឹកចិត្តដល់ក្មួយសិស្សានុសិស្ស ទាំងអស់ថា ការដែលពិការភ្នែក និងគ ថ្លង់ មិនមែនជាឧបសគ្គក្នុងរកការងារធ្វើនោះទេគឺរដ្ឋ តម្រូវអោយគ្រប់ស្ថាប័ន រដ្ឋ និងឯកជន នៅពេលប្រឡងជ្រើសបុគ្គលិកចូលបំរើការងារ ត្រូវទុកចំនួន ២ ភាគរយ សម្រាប់ជនពិការ ចូលធ្វើការបានដែរ។ ដូច្នេះក្មួយៗជាជនពិការ ទាំងអស់ត្រូវប្រឹងប្រែងរៀនសូត្រ អោយទទួលបានចំណេះដឹងខ្ពង់ខ្ពស់គឺអាចរកការងារ បានល្អធ្វើប្រាក់ខែច្រើន និងមានអនាគតល្អ។
ឯកឧត្តមរដ្ឋមន្ត្រី ផ្តាំផ្ញើដល់អាណាព្យាបាល និង លោកគ្រូ អ្នកគ្រូ ដែលទទួលគ្រប់គ្រងថែរក្សាកុមារពិការភ្នែក កុមារ គ ថ្លង់ អាចយកទៅ ធ្វើការពិនិត្យព្យាបាល នៅមន្ទីរពេទ្យព្រះអង្គឌួង គឺមានអាត្រា ជាសះស្បើយចំនួនច្រើន ទោះបី មិនបាន ១០០ ភាគរយក៏ដោយ។ ជាមួយនេះមានខាងក្រុមហ៊ុនកែសម្ពស្សរបស់កូរ៉េមួយ បានមកជួយធ្វើការព្យាបាល កុមារមាត់ឆែប នៅខេត្តកំពង់ចាម ដោយក្នុង ១ ខែ ជួយ ព្យាបាល វះកាត់ចំនួន២នាក់ ។
នៅក្នុងពិធីនោះដែរឯកឧត្តម ខៀវ កាញារីទ្ធ និងលោកជំទាវ បានផ្តល់ថវិកាដល់ លោកគ្រូ អ្នកគ្រូ ចំនួន ៤៩ នាក់ ក្នុងម្នាក់ ១០ ម៉ឺនរៀល សិស្សានុសិស្ស ២៤៩នាក់ ក្នុងម្នាក់សៀវភៅ១០ក្បាលប៉ិច២ដើម ខ្មៅដៃ២ដើម ថ្នាំច្រាស់ដុះធ្មេញ និងថវិកា ១ ម៉ឺនរៀល។ ជាមួយនេះសិស្សពិការភ្នែក គ ថ្លង់ ចំនួន ១០ នាក់ដែលប្រឡងជាប់បាក់ឌុប ទទួលបានថវិកា ម្នាក់ ១០០ ដុល្លា ព្រមទាំងជួយរកអាហាររូបករណ៏ សម្រាប់បន្តការសិក្សាថ្នាក់ ឧត្តមសិក្សា បើចង់បន្តការសិក្សា។
ឯកឧត្តមរដ្ឋមន្ត្រី និងលោកជំទាវ ក៏បានផ្តល់នូវថវិកា រួមជាមួយស្បៀងអាហារ ថ្នាំវីតាមីន និងសំភារះមួយចំនួនដល់វិទ្យាល័យ អប់រំពិសេស កំពង់ចាមផងដែរ។បន្ទាប់ពិធីបញ្ចប់ការបើកបវេរនកាលឆ្នាំសិក្សា ២០១៩-២០២០ និងជួបសំណេះសំណាលជាមួយក្មួយសិស្សានុសិស្ស គ ថ្លង់ និង ពិការភ្នែករួចមកឯកឧត្តម រដ្ឋមន្ត្រី ខៀវ កាញារីទ្ធ និងលោកជំទាវ បានរៀបចំអាហារសាមគ្គី ពិសារួមគ្នា ដើម្បីបង្កើនភាព ស្និតស្នាល និងសប្បាយរីករាយទាំងអស់គ្នា៕
