កំពត ÷ ប្រជាពលរដ្ឋ រស់នៅភូមិព្រែកក្រើស ឃុំព្រែកក្រើស ស្រុកកំពង់ត្រាច បានបញ្ជាក់ឲ្យ រស្មីឯករាជ្យ ដឹងថា ពីមួយថ្ងៃទៅមួយថ្ងៃ ម្ចាស់កាស៊ីណូ សុខ គីម ម៉េង បានបើកដៃឲ្យពលរដ្ឋខ្មែរ សម្រុក នាំគ្នាចូល លេងល្បែង បញ្ជាល់មាន់ បៀរ អាប៉ោង និង ល្បែងផ្សេងៗទៀត យ៉ាងគគ្រឹកគគ្រេង នៅកាស៊ីណូ ទ្វេភាគី តន់ហន់ តាមអំពើចិត្ត។
មជ្ឃដ្ឋានខាងក្រៅ បានរិះគន់ទៅលេី អាជ្ញាធរនិងសមត្ថកិច្ច ក្នុងមូលដ្ឋាន បានត្រឹម រក្សាភាពស្ងៀមស្ងាត់ មិនទាន់ ឃើញ ចុះបង្ក្រាបទោះបី សារព័ត៌មាន ក្នុងស្រុកជាច្រើនអង្គភាព បាននាំគ្នា ចុះផ្សាយ ព្រោងព្រាត ក៏ដោយ សង្ស័យថា ខ្លាច បាត់បង់ ផលប្រយោជន៍ ទើបសមត្ថកិច្ចពាក់ព័ន្ធក្នុងខេត្តកំពត មិនចាត់វិធានការបង្ក្រាប។
ជាក់ស្តែងនៅថ្ងៃទី ២០ ខែកុម្ភៈ ឆ្នាំ២០២២ ភ្នាក់ងារអ្នកសារព័ត៌មាន យេីង បានចុះផ្តិតយករូបភាព ទីតាំងបនល្បែងបញ្ជាល់មាន់ លេងស៊ីសងខុសច្បាប់ ជ្រកក្នុងកាស៊ីណូ លោក សុខ ចាយ ហៅថា សុខ គីម ម៉េង នៅច្រកព្រំដែនទ្វេភាគី តន់ហន់ កម្ពុជា-វៀតណាម ស្ថិតនៅក្នុង ភូមិ ព្រែកក្រើស ឃុំព្រែកក្រើស ស្រុកកំពង់ត្រាច ខេត្តកំពត នៅតែបន្ត បើកដំណើរការយ៉ាងរលូន ឱ្យ ប្រជាពលរដ្ឋខ្មែរ ចូលលេង អណាធិបតេយ្យ ផ្ទុយពី ច្បាប់.ស ជ. ណ .ដែលមិនបានអនុញ្ញាត ឲ្យខ្មែរចូលលេងនោះទេ។
មហាជន បានដាក់ការសង្ស័យថា សមត្ថកិច្ចពាក់ព័ន្ធក្នុងខេត្តប្រាកដជាមានការ រួមគំនិត ឃុបឃិតគ្នាជាប្រព័ន្ធ ហើយមើលទៅ ទើបកាស៊ីណូ នៅច្រកព្រំដែនទ្វេភាគី តន់ហន់ ដែលបើកដំណើការ ឲ្យពលរដ្ឋខ្មែរ ចូលលេង យ៉ាងសុខស្រួលបំផុត ដោយគ្មាន ការទប់ស្កាត់ ពីសំណាក់ អាជ្ញាធរមានសមត្ថកិច្ច ក្នុងខេត្តកំពតសោះឡេីយ ។
ក្នុងនោះ ទៀតសោត មហាជន បានលើក ឡើងថា ប្រសិន មិនមានការ ឃុបឃិតគ្នា ជាប្រព័ន្ធ ទេ នោះ ហេតុអ្វី មិនចេះទប់ស្កាត់ ឬ បង្ក្រាប កាស៊ីណូ សុខ គីម ម៉េង ដែលកំពុង ថ្លើមធំ ហ៊ានផ្គើនជាមួយ ច្បាប់ស្តីពី ការគ្រប់គ្រងល្បែងពាណិជ្ជកម្ម នៃព្រះរាជាណាចក្រកម្ពុជា ហេីយ ផ្គើន និង បទបញ្ជារបស់ប្រមុខថ្នាក់ដឹកនាំ ដូច្នេះ ទៅវិញ។
ប្រជាពលរដ្ឋ រស់នៅភូមិព្រែកក្រើស ឃុំព្រែកក្រើស ស្រុកកំពង់ត្រាច សំណូមពរ ដល់នាយឧត្តមសេនីយ៍ នេត សាវឿន អគ្គស្នងការដ្ឋាននគរបាលជាតិ គូរចាត់វិធានការក្តៅចំពោះភាពអសកម្ម របស់លោក ម៉ៅ ច័ន្ទ មធុរិទ្ធ ស្នងការដ្ឋាននគរបាលខេត្តកំពត បណ្តោយឲ្យម្ចាស់កាស៊ីណូ សុខគីម ម៉េង បេីកឲ្យពលរដ្ឋខ្មែរ ចូលល្បែងបញ្ជាល់មាន់ ដោយសេរី៕
