បន្ទាយមានជ័យ ៖ មន្ត្រីគយនិងរដ្ឋាករការិយាល័យស្រាវជ្រាវនិងបង្ក្រាបអំពើរត់ពន្ធតំបន់៥បន្ទាយមានជ័យ បានឃាត់រថយន្ត១គ្រឿងដឹកទំនិញខូចគុណភាពកន្លះតោននៅវេលាម៉ោង៨,៣០នាទីថ្ងៃទី០៥ខែធ្នូឆ្នាំ២០១៩នៅតាមបណ្តោយផ្លូវលេខ៦ស្ថិតូមិ.សង្កាត់ទឹកផ្លាក្រុងសិរីសោភ័ណ។
មន្ត្រីគយនិងរដ្ឋាករតំបន់៥បានប្រាប់ថា៖ដោយមានការណែនាំពីអគ្គនាយកដ្ឋានគយនិងរដ្ឋាករកម្ពុជា និងនាយកដ្ឋានបង្ការនិងបង្ក្រាបបទល្មើស ហើយមន្ត្រីគយនិងរថ្ឋាករការិយាល័យស្រាវជ្រាវ និងបង្ក្រាបអំពើរត់ពន្ធតំបន់៥ បានធ្វើការស្រាវជ្រាវឃាត់រថយន្តសង្ស័យ១គ្រឿងធុនហ៊ីយិនដាយកូរ៉េពាក់ផ្លាក់លេខភ្នំពេព2Q.8571 ។
មន្ត្រីគយនិងរដ្ឋាករបានបញ្ជាក់ថា៖ក្រោយពេលឃាត់រថយន្តសង្ស័យហើយមន្ត្រីជំនាញបានធ្វើការឆែកឆេររកឃើញទំនិញខូចគុណភាពមាន៖ពោះជ្រូកតាន់១កេស១០០គីឡូក្រាមសាច់ជ្រូក២កេសទំងន់១២០គីឡូក្រាម បង្គា១កេសស្មើរ១២០គីឡូក្រាមដុកដឿ១កេសស្មើ៦០គីឡូក្រាមត្រី១កេសស្មើ១០០គីឡូក្រាម។
មន្ត្រីគយនិងរដ្ឋាករបានបញ្ជាក់ថា ៖ ក្រោយពេលឃាត់រថយន្តដែលដឹកទំនិញខូចគុណភាពកន្លះតោននិងអ្នកបើកបរត្រូវបានរៀបចំឯកសារប្រគល់ជូនមន្ត្រីបសុព្យាបាលខេត្តបន្ទាយមានជ័យដើម្បីចាត់ការតាមច្បាប់ទំនិញខូចគុណភាពដុតកំទុចចោល៕
