ខេត្តបន្ទាយមានជ័យ ៖ ដើម្បីលើកកំពស់ការរស់នៅរបស់ពលរដ្ឋអោយបានសមរម្យតាមផែនការក្រសួងរៀបចំដែនដីក្រុមហ៊ុន សុខារ៉េស៊ីដេន សានកូ ក្រុងប៉ោយប៉ែតបានរៀបចំពិធីបញ្ចុះបឋមសិលានិងសម្ពោធបើកការដ្ឋានសាង សង់លំនៅឋាន មានតម្លៃសមរម្យ (សុខារ៉េស៊ីដេន សានកូ ក្រុងប៉ោយប៉ែត) អភិវឌ្ឍន៍ដោយក្រុមហ៊ុន អឹម អ សុខារ៉េស៊ីដេន គ្រុប សហការជាមួយ ក្រសួងរៀបចំដែនដី នគរូបនីយកម្ម និងសំណង់ ស្ថិតក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
ក្រោមអធិបតីភាពដ៏ខ្ពង់ខ្ពស់របស់ឯកឧត្តម ទេព ធន រដ្ឋលេខាធិការ តំណាងដ៏ខ្ពង់ខ្ពស់របស់ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រី ក្រសួងរៀបចំដែនដី នគរូបនីយកម្ម និងសំណង់ និងមានការចូលរួមពីក្រុមវិនិយោគបរទេស អស់លោកជាប្រធានមន្ទីរស្ថាប័ណជំវិញខេត្តនិងប្រជាពលរដ្ឋសិស្សានុសិស្សប្រមាណជាមួយពាន់នាក់។
លោក ឈាន សុខា ប្រធានក្រុមប្រឹក្សាភិបាលនៃក្រុមហ៊ុន អិម អ សុខារ៉េស៊ីដេន គ្រុប បានមានប្រសាសន៍នាពិធីបើកការដ្ឋានថា គម្រោងអភិវឌ្ឍន៍លំនៅឋានតម្លៃសមរម្យ សុខារ៉េស៊ីដេនសានកូ ជាគម្រោងទី៣ នៃគម្រោងអភិវឌ្ឍន៍ប្រភេទលំនៅឋានរបស់ក្រុមហ៊ុន អិម អ សុខារ៉េស៊ីដេន គ្រុប ស្ថិតនៅក្នុងភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយបែត ខេត្ដបន្ទាយមានជ័យ ។
នេះជាគម្រោងអភិវឌ្ឍន៍ដ៏ធំមួយ ដែលទទួលបានការជំរុញលើកទឹកចិត្តពីរាជរដ្ឋាភិបាល ដែលមានការចង្អុលបង្ហាញពី ក្រសួងរៀបចំដែនដី នគរូបនីយកម្ម និងសំណង់ ជាពិសេសក្រោមការដឹកនាំដ៏ឈ្លៀសវៃរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការអភិវឌ្ឍន៍លំនៅឋានតំលៃសមរម្យ ដើម្បីជួយសម្រួលដល់ជីវភាពរស់នៅរបស់ប្រជាពលរដ្ឋ មន្ត្រីរាជការ គ្រូបង្រៀន បុគ្គលិក កម្មករ ពលករ ឲ្យទទួលបានការរស់នៅប្រកបដោយសេចក្តីថ្លៃថ្នូរ។
គម្រោងអភិវឌ្ឍន៍លំនៅឋានតម្លៃសមរម្យ សុខារ៉េស៊ីដេនសានកូ ត្រូវបានធ្វើការ គិតគូរ យ៉ាងល្អិតល្អន់ តាមបទដ្ឋាន និងសេចក្តីណែនាំពី ក្រសួងរៀបចំដែនដី នគរូបនីយកម្ម និងសំណង់ ក្នុងការអភិវឌ្ឍន៍និងសាងសង់ស្របតាមបែបស្តង់ដារ។
គម្រោងត្រូវបានរៀបចំលើផ្ទៃដីទំហំ៣៩៨០៣ម៉ែត្រក្រឡា នៃផ្ទៃដីសរុបជាង១៥ ហិកតា ដែលគ្រោងសាងសង់លំនៅឋានតម្លៃសមរម្យ ដែលមានតំលៃក្រោម ៣០,០០០ដុល្លារ (បីម៉ឺន) មានចំនួន ៤២៩៦ ឯកតាជាអគារសហកម្មសិទ្ធិ សរុបមានចំនួន៩អគារ កំពស់១៩ជាន់ និងផ្ទៃដីដែលនៅសល់ត្រូវបានធ្វើការសាងសង់ជាលំនៅឋានតម្លៃលើសពីមធ្យមមានដូចជាផ្ទះអាជីវកម្ម ផ្ទះល្វែង វីឡាលីងហៅស៍ វីឡាភ្លោះ សួនច្បារ ផ្សារ និងសាលាអន្តរជាតិ។
លោក ង៉ោ ម៉េងជ្រួន អភិបាលខេត្តស្តីទី នៃគណៈអភិបាលខេត្ត បន្ទាយមានជ័យ បានសម្តែងនូវអំណរសារទរ និងគាំទ្រសម្រាប់គម្រោងដែលមានលក្ខណៈអនុគ្រោះដល់ប្រជាពលរដ្ឋដែលខ្វះខាតលំនៅឋាន និងកំពុងស្វែង រកលំនៅឋានដែលមានតម្លៃសមរម្យ ជាពិសេសសម្រាប់ប្រជាពលរដ្ឋ មន្ត្រីរាជការ គ្រូបង្រៀន បុគ្គលិក កម្មករ ពលករ ដែលមិនទាន់មានលទ្ធភាពទិញលំនៅឋានដែលមានតម្លៃខ្ពស់។
ឯកឧត្តម ទេព ធន រដ្ឋលេខាធិការ តំណាងដ៏ខ្ពង់ខ្ពស់របស់ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រី ក្រសួងរៀបចំដែនដី នគរូបនីយកម្ម និងសំណង់ រដ្ឋាភិបាលដែលកើតឡើងពីការបោះឆ្នោតដឹកនាំដោយសម្ដេចអគ្គមហាសេនាវរស់ហ៊ុនសែនបានធ្វើឲ្យប្រទេសកម្ពុជាមានការរីកចម្រើនលើគ្រប់វិស័យជាពិសេសគឺការរក្សាបានលំនឹងសេដ្ឋកិច្ចធ្វើអោយភ្ញៀវទេសចរណ៍រាប់លាន់នាក់ដែលកើនឡើងជាលំដាប់ពីមួយឆ្នាំទៅមួយឆ្នាំមកកំសាន្តនៅកម្ពុជា។
តាមរយះសុខសន្តិភាពនិងការរីកចំរើននេះធ្វើអោយគោលនយោបាយរដ្ឋាភិបាលការកាត់បន្ថយភាពក្រីក្រទទួលបានការថយចុះរហូតមកនៅត្រឹម10%។សំណងរីកដុសដាល់ទូទាំងប្រទេសមានរហូតដល់100ជាន់រាប់ពាន់សំណង់។
ការរីកចំរើនទាំងអស់ខាងលើសុទ្ធតែបានមកពីនយោបាយឈ្នះៗរបស់សម្តេចតេជោដែលមានគោលការបីតែប៉ុណ្ណោះគឺមួយធានាជីវិត ធានាទ្រព្យ ធានាអាជីប។
ជាមួយគ្នានេះឯកឧត្តមរដ្ឋលេខាធិការក្រសួងរៀបចំដែនដីនគរូបនីយកម្មសំណង់បានអំពាវនាវដល់អាជ្ញាធរសមត្ថកិច្ចចូលរួមគាំទ្រដល់ក្រុមហ៊ុនដែលបានវិនិយោគនៅលើទឹកដីក្រុងប៉ោយប៉ែតដែលមានច្បាប់អនុញាតត្រឹមត្រូវ តាមគោលការណ៍របស់រដ្ឋាភិបាល។
សំណូមពរពលរដ្ឋធ្វើវ្វីត្រូវសុំច្បាប៉។ចំណែកក្រុមហ៊ុនដីធ្លីត្រូវគោរពតាមលិខិតបទដ្ឋាននានានិងរក្សាអោយបានគុណភាព សោភ័ណភាព ប្រសិទ្ធភាព។
