ខេត្តបន្ទាយមានជ័យ ៖ លោក លី សារី អភិបាលរងខេត្តនិងជាប្រធានក្រុមការងារចុ ជួយស្រុកមង្គលបូរីបានប្រាប់ប្រជាពលរដ្ឋថា ត្រូវបន្តការប្រុងប្រយ័ត្នចំពោះជំងឺជំងឺCOVID-19ជានិច្ច ទោះបីជាស្ថានភាពនៅកម្ពុជាបានធូរស្បើយច្រើន ហើយមិនមានអ្នកឆ្លងថ្មីក៏ពិតមែន ក៏មិនត្រូវភ្លេចខ្លួនឡើយ ដោយបន្តប្រយុទ្ធប្រឆាំងចំពោះជំងឺរាតត្បាតនោះន្ថែមទៀត បើផ្ទុះលើកទី២និងស្លាប់រង្គៀលជាមិនខានឡើយ ។ ថ្លែងក្នុងពិធីចែកអំណោយមួយដោយមានការចូលរួម លោក ដាស៊ីស៊ីណង់ អភិបាលស្រុកមង្គលបូរី មន្ត្រីពាក់ព័ន្ធជាច្រើនផងដែរ។
ក្នុងនោះលោកលីសារីបានធ្វើការចែក អំណោយរបស់ឯកឧត្តម នាយឧត្តមសេនីយ៍ កែ គឹម យ៉ាន ប្រធានក្រុមការងារចុះជួយខេត្ត បន្ទាយមានជ័យ និងលោកជំទាវឧកញ៉ា ម៉ៅ មាល័យកែ គឹមយ៉ានដល់ប្រជាពលរដ្ឋក្រីក្រីជួបការលំបាក ក្នុងយុទ្ធនាការប្រយុទ្ធនឹងជំងឺកូវីដ១៩ចំនួន៥១គ្រួសារ នៅ ក្នុងឃុំអូរប្រាសាទ ស្រុកមង្គលបូរី ខេត្តបន្ទាយមានជ័យក្នុង១គ្រួសារទទួលបានអង្ករ ២០គីឡូក្រាម ទឹក ស៊ីអ៊ីវ ៣ដប ទឹក ត្រី ៣ដប ទឹក សុទ្ធ ១យួរ នារសៀលថ្ងៃទី២០ខែឧសភា ឆ្នាំ២០២០។
ក្នុងពិធីចែកអំណោយនោះ លោក លី សារី បានមានប្រសាសន៍ថាជំងឺរលាកផ្លូវដង្ហើមប្រភេទថ្មី ឬហៅថា Covid-19ជាជម្ងឺមួយដ៏កាចសាហាវ ឆ្លងក្នុងល្បឿនលឿន នៅក្នុងពិភពលោកអ្នកកើតជម្ងឺនេះវាងាយនិងស្លាប់ណាស់ពិសេស អ្នកមានជម្ងឺ ជនចាស់ជរា ប្រជាពលរដ្ឋផ្តុំក្បាលគ្នាជាក្រុម រហូតមកដល់ ថ្ងៃនេះនៅមិនទាន់មានក្រុមគ្រូពេទ្យជំនាញណាអាចរកឃើញថ្នាំសម្លាប់មេរោគនេះបាននៅឡើយដូច្នេះប្រជាពលរដ្ឋទាំងអស់ត្រូវគោរពគោលការណ៍របស់រដ្ឋាភិបាល និងក្រសួងសុខាភិបាលដូចជា ការធ្វើដំណើរក្នុងប្រទេសត្រូវពាក់ម៉ាស ខ្ទប់ក្រមា អាល់កុល និងជែលលាងដៃកំចាត់មេរោគបាក់តេរី និងធ្វើការវាស់កំដៅក្នុងខ្លួនដោយអ្នកជំនាញពិសេសប្រជាពលរដ្ឋណា ដែលបានត្រឡប់មកពីប្រទេសថៃកាលពីពេលថ្មី ត្រូវនៅដោយឡែកពីគ្នា១៤ ថ្ងៃសិន ។
លោកក៏បានជូនពរដល់បងប្អូនប្រជាពលរដ្ឋទទួលបាននូវសុខភាពល្អ និង ជោគជ័យ ក្នុង ភារកិច្ច ការងារ គ្រប់ៗ ក្រុមគ្រួសារ ពិសេស អំពាវនាវ ឲ្យ ប្រជាពលរដ្ឋ ទាំងអស់ ត្រូវ ប្រុងប្រយ័ត្ន ឲ្យ បាន ខ្ពស់ គ្រប់ៗ ក្រុមគ្រួសារ ក្នុងការ ចូលរួម ទប់ស្កាត់ នូវ ការឆ្លង រីក រាលដាល នៃ ជំងឺ កូវីដ-១៩ ជាពិសេស មិន ត្រូវ ភ្លេចខ្លួន នោះទេ បើទោះបីជា ប្រទេស កម្ពុជា មាន អ្នក ឆ្លង នៅ មាន កម្រិត តិច ក្រោម ការ អនុវត្ត តាម ការណែនាំ របស់ ក្រសួងសុខាភិបាល និង សារាចរ ណែនាំ និង វិធានការណ៍ ជាច្រើន របស់ សម្តេច តេ ជោ នាយករដ្ឋមន្ត្រី។
លោកបានជំរុញប្រជាពលរដ្ឋការងារកសិកម្មក្នុងការដាំដុះ ចិញ្ចឹម សត្វ នៅ ក្នុង មូលដ្ឋាន ជាពិសេស ត្រូវ រក្សា ទុកនូវស្បៀងអាហារដូចជា អង្គរ អំបិល ប្រហុក ត្រី សាច់ ប្រសិនបើ ជំងឺ កូវីដ-១៩ នេះ នៅតែ អូស បន្លាយ ត្រូវចូលរួមទាំងអស់គ្នាក្នុង ការ គោរព ច្បាប់ ចរាចរណ៍ ផ្លូវ គោគដើម្បី កាត់បន្ថយ នូវ គ្រោះថ្នាក់និង ការបាត់បង់ អាយុ ៕
