(បាត់ដំបង) ៖នៅសាលប្រជុំអាគាE រដ្ឋបាលខេត្តបាត់ដំបងបានរៀបចំពិធីប្រកាសចូលកាន់មុខតំណែងអភិបាលរងខេត្តបាត់ដំបង និងនាយករដ្ឋបាលខេត្តថ្មី ក្រោមវត្តមានលោក ឡាំ ជា រដ្ឋលេខាធិការក្រសួងមហាផ្ទៃតំណាងសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងមានការចូលរួមពីឯកឧត្តម ងួន រតន: អភិបាលនៃគណអភិបាលខេត្តបាត់ដំបង ឯកឧត្តម អ៊ុយ រី ប្រធានក្រុមប្រឹក្សា ខេត្តបាត់ដំបង មេបញ្ជាការយោធភូមិភាគទី៥ មេបញ្ជាការកងរាជអាវុធហត្ថ លោកស្នងការនគរបាលខេត្ត មេបញ្ជាការប្រតិបត្តិការសឹករង បាត់ដំបងអភិបាលក្រុង ស្រុក តំណាងសាលាដំបូងខេត្តថ្នាក់ដឹកនាំមន្ទីរ អង្គភាពនានាជាវិញខេត្ត មន្ត្រីរាជការសាលាខេត្ត មេឃុំចៅសង្កាត់ចូលរួមយ៉ាងច្រើនកុះករ។
ក្នុងពិធីកាន់តំណែងនិងផ្ទេរតំណែងនាពេលនេះគឺលោក ឆាយ ម៉ាទីណាល់ ជាអតីតនាយករដ្ឋបាលខេត្តបាត់ដំបង ត្រូវបានតែងតាំងមកកាន់ដំណែងជាអភិបាលរងខេត្តបាត់ដំបងជំនួសអោយលោក ហឿង សុគន្ធ អភិបាលនៃគណអភិបាលរងខេត្តបាត់ដំបងត្រូវបានចូលនិវត្តន៍ ។
ចំណែកតំណែងនាយករដ្ឋបាលខេត្តគឺត្រូវផ្ទេរដំណែងតែងតាំងអោយលោក មូល ធន ដែលជានាយករដ្ឋបាលរងមកជានាយករដ្ឋបាលថ្មីជំនួសលោក ឆាយ ម៉ាទីណាល់ វិញ។
ឆ្លៀតក្នុងឱកាសនោះលោក ឡាំ ជា រដ្ឋលេខាធិការក្រសួងមហាផ្ទៃតំណាងសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានជំរុញឲ្យរដ្ឋបាលខេត្ត និងថ្នាក់មូលដ្ឋានត្រូវអនុវត្តតាមថ្នាក់លើដាក់ចុះស្តីអំពីការចុះពិនិត្យស្រង់ស្ថិតិនិងផ្តល់ប័ណ្ណក្រីក្រជូនប្រជាពលរដ្ឋឲ្យចំគោលដៅឲ្យបានល្អជាសវាងមានបញ្ហាធ្វើឲ្យប៉ះពាល់ដល់ប្រជាពលរដ្ឋ ហើយលោកក៏បានផ្តាំផ្ញើដល់គណ:អភិបាលខេត្ត ត្រូវមានសាមគ្គីភាពផ្ទៃក្នុងឱ្យបានល្អ ពិសេសអាជ្ញាធរ មូលដ្ឋានគ្រប់លំដាប់ថ្នាក់ត្រូវបម្រើសេវាសាធារណៈជូនប្រជាពលរដ្ឋនៅគ្រប់មូលដ្ឋាននានាក្នុងខេត្ត ពិសេសអនុវត្តគោលនយោបាយភូមិឃុំ មានសុវត្តិ និងជួយទប់ស្កាត់បង្ការការពារនូវជំងឺកូវីដ១៩បន្តព្រមទាំងណែនាំផ្សព្វផ្សាយប្រជាពលរដ្ឋអោយចូលរួមគោរពច្បាប់ចរាចរណ៍ដើម្បីកាត់បន្ថយអត្រាការស្លាប់និងរងរបួសដោយសារគ្រោះថ្នាក់ចរាចរណ៍ហើយការផ្តល់ថវិកាជាសាច់ប្រាក់ដល់ជនក្រីក្រដោយសារជម្ងឺកូវីដ-១៩កន្លងមកឲ្យមានតម្លាភាព និងយុត្តិធម៌ផង។
