ខេត្តត្បូងឃ្មុំ ÷ ប្រជាពលរដ្ឋនៅក្នុងខេត្តត្បូងឃ្មុំ ពិសេសប្រជាពលរដ្ឋដែលរស់នៅក្នុងភូមិអន្លុងជ្រៃ ឃុំកក់ ស្រុកពញាក្រែក ខេត្តត្បូងឃ្មុំ ពួកគាត់គ្មានជំនឿទុកចិត្តទៅលើអាជ្ញាធរពាក់ព័ន្ធ នៅក្នុងខេត្តឃ្បូងឃុំនោះឡើយ ខណៈល្បែងស៊ីសងកំពុងតែបើកលេងយ៉ាងគគ្រឹកគគ្រេង ដោយមិនបានអនុវត្តតាមបទបញ្ជារបស់ប្រមុខរាជរដ្ឋាភិបាលដែលបានដាក់ចេញឲ្យបង្ក្រាបល្បែងស៊ីសងគ្រប់ប្រភេទឲ្យអស់ទូទាំងប្រទេសយ៉ាងណាក្តី តែអាជ្ញាធរពាក់ព័ន្ធនៅក្នុងខេត្តត្បូងឃុំ មិនបានអនុវត្តនោះឡើយ ជាក់ស្ដែងកាស៊ីណូអន្លុងជ្រៃ ដែលគ្មានស្លាក់យីហោ ស្ថិតនៅក្នុង ភូមិអន្លង់ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ សង្ស័យគ្មានច្បាប់អនុញ្ញាត កំពុងតែបើកឱ្យក្រុមអ្នកញៀនល្បែង ពិសេសក្រុមអ្នកញៀនល្បែងជាជនជាតិខ្មែរចូលលេងល្បែងជល់មាន់ យ៉ាងច្រើនកុះករ នឹងចូលលេងដោយសេរី ដោយទំនុកចិត្ត និងសុវត្ថិភាព។
ប្រភពទទួលបានពីបងប្អូនប្រជាពលរដ្ឋបានឲ្យដឹងថា: ជារាងរាល់ថ្ងៃ គេសង្កេតឃើញខ្មែរនាំគ្នាចូលលេងល្បែងយ៉ាងពពាក់ពពូន នៅក្នុងកាសុីណូនេះ រហូតអ្នកខ្លះចាញ់បោសគូទខោ លក់អស់ដីធ្លីផ្ទះសម្បែង ឬរហូតរត់ចោលស្រុក ព្រោះខ្មាស់គេពេក។
បុរស់ម្នាក់ រស់នៅក្នុងស្រុកពញាក្រែក ខេត្តត្បូងឃ្មុំ ដែលនិយាយក្នុងលក្ខខណ្ឌសុំមិនបញ្ចេញឈ្មោះ ព្រោះខ្មាសគេពេក បានលើកឡើងថា កន្លងមក លោកធ្លាប់លង់ចាញ់ល្បែងក្នុងកាសុីណូខាងលើ ហើយសម្រេចចិត្តលក់ដីធ្លីផ្ទះសម្បែង ដើម្បីបានលុយចូលលេងស្រង់ដើមនៅក្នុងកាស៊ីនេះ ប៉ុន្តែនៅតែចាញ់ងើបមុខមិនរួចដដែល។
អ្នកចាញ់ល្បែងរូបនេះ បាននិយាយទៀតថា មិនមែនត្រឹមតែរូបលោកម្នាក់ឯងទេ ដែលលង់ខ្លួនចាញ់ល្បែងក្នុងកាសុីណូអន្លូងជ្រៃ គឺមានពលរដ្ឋជាច្រើននាក់ទៀត ខ្លះលក់អស់ទ្រព្យសម្បត្តិ អស់ពីខ្លួន ព្រាត់ប្រាសក្រុមគ្រួសារ និងរត់ចោលស្រុកទៅធ្វេីការនៅប្រទេសគេ ដោយសារចាញ់ល្បែងច្រើនពេក នៅក្នុងកាស៊ីណូខាងលើនេះ។
ក្ដីបារម្ភខ្លាំងបំផុតរបស់បងប្អូនប្រជាពលរដ្ឋ ដែលរស់នៅក្នុងមូលដ្ឋាននេះ គឺខ្លាចមានអំពើ លួច ឆក់ ប្លន់ ហិង្សាដោយ ចេតនា ពីព្រោះមូលដ្ឋានណាដែលមានល្បែងស៊ីសងហើយ មូលដ្ឋាននោះគឺគ្មានសុវត្ថិភាពនោះទេ ល្បែងតែងវិនាស ល្បែងនាំមកនៅចោរកម្ម ល្បែងនាំមកនៅខាតទ្រព្យសម្បត្តិ បាត់បង់ការងារ វក់នឹងល្បែងលែងភ្លេចការងារអ្វីៗទាំងអស់។
ពាក់ព័ន្ធនិងល្បែងបញ្ចជល់មាន់នៅក្នុងកាស៊ីណូអន្លង់ជ្រៃខាងលើនេះ សារព័ត៌មានយើងបានទំនាក់ទំនងសួរតាមលេខទូរសព្ទទៅ
លោក ម៉ៅ សារឹម នាយប៉ុស្តិ៍រដ្ឋបាលកក់ លោកឆ្លើយថាមិនដឹងទេ. សូមសួរទៅលោកអធិការ ឬលោកស្នងការទៅ ។
ចំណែកឯលោករសេនីយ៍ឯក ថាញ់ សុខវ៉ាត អធិការនគរបាលស្រុកពញាក្រែក សារព័ត៌មានយើងបានទំនាក់ទំនងសួរតាមលេខទូរសព្ទ លោកបានឆ្លើយថា លែងទៀតមែន តើមានរូបភាពទេសុំមើលបន្តិច។
គួរបញ្ជាក់ផងដែរ សម្ដេចក្រឡាហោមសខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់បានដាក់បទបញ្ជាយ៉ាងតឹងរឹង ដល់គ្រប់ខេត្ត ក្រុងរាជធានី ទូទាំងប្រទេស ឲ្យអនុវត្តគោលនយោបាយភូមិឃុំមានសុវត្ថិភាពទាំង ៧ ចំណុច គឺត្រូវបង្ក្រាបបទល្មើសល្បែងស៊ីសងខុសច្បាប់គ្រប់ប្រភេទឲ្យខាងតែបាន ហើយបើកើតមាននៅក្នុងទឹកដីអ្នកណា អ្នកនោះត្រូវទទួលខុសត្រូវ។
ដោយឡែកលោក ម៉ៅ សារឹម នាយប៉ុស្តិ៍រដ្ឋបាលកក់ ខណៈកាស៊ីណូអន្លង់ជ្រៃ កំពុងបើកឲ្យខ្មែចូលលែងល្បែងយ៉ាងពពាក់ពពូន ហេតុអ្វីឆ្លើយថាមិនដឹង.? តើលោកគ្រប់គ្រងនៅក្នុងដែនសមត្ថកិច្ចរបស់លោកដោយរបៀបណា.? ឬមួយឆ្លើយដោះសារឲ្យរួចតែពីមាត់.ពោល.គឺលោកមិនអនុវត្តតាមបទបញ្ជារបស់ប្រមុខរាជរដ្ឋាភិបាលនោះឡើយ៕ នៅមាន.ត.
