នៅថ្ងៃសៅរ៍ ទី ១៣ រោជ ខែ អស្សុជ ឆ្នាំថោះ បញ្ចស័ក ពុទ្ធសករាជ២៥៦៧ ត្រូវនិងថ្ងៃទី ១១ ខែវិច្ឆិកា ឆ្នាំ២០២៣ នៅវត្តសម្ដេច នន្ទ ង៉ែត សែនជ័យសត្ថារាម ហៅ (វត្តក្រឡាញ់ចាស់) មានប្រារព្ធបុណ្យកឋិនទានសាមគ្គី ដើម្បីវេរប្រគេនព្រះសង្ឃ ដែលគង់ចាំព្រះវស្សាអស់រយៈពេល ៣ ខែ នៅក្នុងពុទ្ធសីមា វត្តសម្ដេច នន្ទ ង៉ែត សែនជ័យសត្ថារាម ហៅ (វត្តក្រឡាញ់ចាស់) ដែលមានទីតាំងស្ថិតនៅភូមិស្រងាំទេ ឃុំប្រស្និប នៅស្រុករលាប្អៀរ ខេត្តកំពង់ឆ្នាំង ។
✍កម្មវិធីបុណ្យ៖
?ថ្ងៃសៅរ៍ ទី ១៣ រោជ ខែ អស្សុជ ឆ្នាំថោះបញ្ចស័ក ពុទ្ធសករាជ ២៥៦៧ ត្រូវនិងថ្ងៃទី ១១ ខែវិច្ឆិកា ឆ្នាំ២០២៣ វេលាម៉ោង ០៣ និង ៣០ នាទី និមន្តលោកឳស៊ុច សម្តែងព្រះធម៌ទេសនា ។
?ថ្ងៃអាទិត្យ ទី ១៤ រោជ ខែ អស្សុជ ឆ្នាំថោះបញ្ចស័ក ពុទ្ធសករា ជ២៥៦៧ ត្រូវនិងថ្ងៃទី ១២ ខែវិច្ឆិកា ឆ្នាំ២០២៣
– ម៉ោង៧.០០ នាទីព្រឹក ប្រគេនយាគូចំពោះព្រះសង្ឃ
– ម៉ោង៩.០០ នាទីព្រឹក និមន្តព្រះធម៌វនរាសី ចន្ទ មុនី ចៅអធិការវត្តតាសុត សម្តែងព្រះធម៌ទេសនា
– ម៉ោង១០.៣០ នាទី វេរចង្ហាន់ប្រគេនចំពោះព្រះសង្ឃ
– ម៉ោង១.០០នាទី ដង្ហែអង្គកឋិនទានសាមគ្គីប្រទក្សិណសាឡុំ និងដង្វាយព្រះសង្ឃជាកិច្ចបង្ហើយបុណ្យ។
✍ អ្នកផ្ដើមចូលរួមបុណ្យកឋិនទានសាមគ្គី រួមមាន ៖
? លោកបណ្ឌិត ឃីម រដ្ឋា អនុប្រធានការិយាល័យច្រកព្រំដែនអន្តរជាតិប៉ោយប៉ែត សហព័ន្ធប្រព័ន្ធផ្សព្វផ្សាយអាស៊ាន(UMA ) ប្រចាំការ នៃព្រះរាជាណាចក្រកម្ពុជា និង ជា អនុប្រធាន គ្រុបព័ត៌មានសាមគ្គីថ្មី ព្រមទាំង ភរិយា បុត្រា បុត្រី និងក្រុមគ្រួសារ ចូលរួមជាបច្ច័យចំនួន ១.២៦០.០០០ ម៉ឺនរៀល (មួយលានពីរសែនប្រាំមួយម៉ឺនរៀល) ។
? និងមានសប្បុរសជន ចូលរួមជាច្រើនផ្សេងទៀត ។
នៅក្នុងពិធីបុណ្យកឋិនទាននេះ លោក បណ្ឌិត ឃីម រដ្ឋា អនុប្រធានការិយាល័យច្រកព្រំដែនអន្តរជាតិប៉ោយប៉ែត សហព័ន្ធប្រព័ន្ធផ្សព្វផ្សាយអាស៊ាន(UMA) ប្រចាំការ នៃព្រះរាជាអាណាចក្រកម្ពុជា និង ជា អនុប្រធាន គ្រុបព័ត៌មានសាមគ្គីថ្មី បានប្រសិទ្ធិពរជ័យជូនដល់ពុទ្ធបរិស័ទ ដែលបានចូលរួមបច្ច័យតាមកម្លាំងសទ្ធាជ្រះថ្លារៀងៗខ្លួន ក្នុងអង្គកឋិនទាននេះ ដើម្បីចូលរួមកសាងសមិទ្ធផលនានា នៅក្នុងវត្ត ដើម្បីតម្កល់មហាកុសលផលបុណ្យ ទៅអនាគតជាតិខាងមុខ ។
? ទំនាក់ទំនងលេខទូរស័ព្ទ. 0976864747 764444373 069254747
សូមបញ្ជាក់ថា ពិធីបុណ្យកឋិនទាន គឺជាពិធីបុណ្យដ៏សំខាន់មួយក្នុងចំណោមពិធីបុណ្យធំៗ ក្នុងព្រះពុទ្ធសាសនា ។ ការធ្វើបុណ្យកឋិនទាននេះ ត្រូវបានគេចាត់ទុកថា ជាការធ្វើទានដ៏ពិសេសមួយ ដោយមានការប្រគេន សំពត់ស្បង់ ត្រៃចីវរ គ្រឿងស្លៀកគ្របដណ្ដប់របស់ព្រះភិក្ខុសង្ឃ ដែលទាយក ទាយិកា ប្រគេនដល់ភិក្ខុសង្ឃ ក្នុងកឋិនកាល ដែលហៅថា បុណ្យកឋិន គឺបុណ្យប្រគេនសំពត់នេះឯង ដែលប្រជាពុទ្ធបរិស័ទខ្មែរតែងតែនាំយកនូវគ្រឿង សំពត់ ស្លៀកគ្របដណ្ដប់ ទៅប្រគេនព្រះភិក្ខុសង្ឃ ដែលបានគង់ចាំព្រះវស្សាអស់ត្រីមាស៣ ខែ ក្នុងវស្សានារដូវកន្លងមក ក្នុងវត្តអារាម ៕
