(ខេត្តប៉ៃលិន) ៖ លោកជំទាវបណ្ឌិតបានស្រីមុំ គណៈអភិបាលខេត្តប៉ៃលិន សូមជំរាបជូនពុកម៉ែបងប្អូនទាំងអស់អោយបានជ្រាបតាមបណ្តាញសង្គមហ្វេសបុកផេក(Ban Sreymom Page) ក្នុងនាមគណៈ:អភិបាលខេត្តប៉ៃលិន ជំរាបជូនពុកម៉ែបងប្អូនទាំងអស់អោយបានជ្រាប ករណីបានរកឃើញ វិជ្ជមានមេរោគ កូវីដ-១៩ លើពលករ ១០នាក់ស្ថិតនៅក្នុងខេត្តប៉ៃលិននោះ គឺជាករណីនាំចូលពីប្រទេសជិតខាង។
ដោយមានការចូលរួមសហការគ្រប់បណ្តាអង្គភាពពាក់ពន្ធ័យើងគ្របគ្រងអ្នកចំណាកស្រុកដែលវិលចូលប្រទេសវិញ បានយ៉ាងល្អ ដោយត្រូវឆ្លងកាត់ការពិនិត្យសំណាក និងធ្វើចត្ថាឡីស័ក រយះពេល ១៤ ថ្ងៃ ដូច្នេះករណី វិជ្ជមាន ១០នាក់ខាងលើ ជាករណី នាំចូលនិងស្ថិតក្រោមការឃុំខ្លួនដាច់ដោយឡែករបស់មន្ទីរសុខាភិបាលខេត្តបានយ៉ាងម៉ត់ចត់បំផុត មិនមែនជាករណីឆ្លងរាលដាលនៅក្នុងសហគមន៍ ខេត្តប៉ៃលិនយើងទេ ចំពោះបងប្អូនមានករណី វិជ្ជមានក៍យើងបានត្រៀមលក្ខណះរួចជាស្រេចសំរាប់ជាទីកន្លែងព្យាបាលផងដែរ ។
ដូច្នេះសូមពុកម៉ែបងប្អូនទាំងអស់កុំមានការភ័យខ្លាច និងជឿតាមព័ត៍មានមិនពិតជាការញុះញង់របស់ជន អគតិមួយចំនួនតូចដែលមានបំណង អោយមានភាពចលាចលនៅក្នុងខេត្តយើង ។
ជាមួយគ្នាលោកជំទាវអភិបាលខេត្ត ក៍បានអំពាវនាវ សូមឲ្យបងប្អូនប្រជាពលរដ្ឋទាំងអស់រួមដៃគ្នា ទប់ស្កាត់មេរោគដ៍កាចសាហាវមួយ
នេះអោយបានជាដាច់ខាត គឺ :
1- បើមានបងប្អូនកូនចៅ ឬ អ្នកជិតខាងយើងលបលួចចូលមកដោយមិនបានឆ្លងកាត់ការពិនិត្យសុខភាពសូមផ្តល់ពត៍មានដល់ក្រុមការងារ
យើងនៅនិងមូលដ្ឋានជាបន្ទាន់ដើម្បីយកគាត់មកពិនិត្យសុខភាព ដើម្បីសុខភាពគ្រួសារយើង និង សហគមន៍យើង ។
2- សូមបងប្អូនទាំងអស់បន្តយកចិត្តទុកដាក់ពី អនាម័យ លាងដៃអោយបានញឹកញាប់ ពាក់ម៉ាស់ជាប់ជាប្រចាំ រក្សាគម្លាតពីគ្នា (ជៀសវាងការជួបជុំគ្នាច្រើន ) ។
នៅក្នុងផេកបណ្តាញសង្គមខាងលើ លោកជំទាវអភិបាលខេត្តក៍បានបញ្ជាក់បន្ថែមទៀតថា សូមជំរាបសរុបថា ខេត្តប៉ៃលិនមិនមានការឆ្លងនៅក្នុងសហគមន៍នោះទេ ( យើងរួមគ្នាយើងឈ្នះ )៕
