ភ្នំពេញ ៖ ព្រឹកថ្ងៃចន្ទ ទី០៤ ខែមករា ឆ្នាំ២០២១លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវ បានដឹកនាំកិច្ចប្រជុំជំនាញ ស្តីពីការងារ បង្ការ ទប់ស្កាត់ និងបង្ក្រាបបទល្មើសក្មេងទំនើង នៅក្នុងមូលដ្ឋាន។ ដោយមានការចូលរួមពី៖ លោកអធិការរង នាយផ្នែក នាយរងផ្នែក នាយប៉ុស្តិ៍ និងនាយរងប៉ុស្តិ៍ នៃអធិការដ្ឋាននគរបាលខណ្ឌាឫស្សីកែវ។
នាឱកាសនោះដែរលោកវរសេនីយ៍ឯក ហ៊ាង ថារ៉េត ក៍ជម្រុញដល់ លោកអធិការរង,នាយផ្នែក នាយរងផ្នែក, នាយប៉ុស្តិ៍ និងនាយរងប៉ុស្តិ៍ នៃអធិការដ្ឋាននគរបាលខណ្ឌឫស្សីកែវ បន្តពង្រឹងអនុវត្តគោលនយោបាយភូមិ-សង្កាត់មានសុវត្ថិភាពអោយទទួលបានប្រសិទ្ធភាពខ្ពស់ ដោយចូលរួមទប់ស្កាត់បង្ក្រាបបទល្មើសផ្សេងៗខុសច្បាប់ក្នុងមូលដ្ឋានដូចជា គ្រឿងញៀន ល្បែងស៊ីសងគ្រប់ប្រភេទ ។
ជាមួយគ្នានេះដែរលោកវរសេនីយ៍ឯក ហ៊ាង ថារ៉េត ក៏បានធ្វើការ ឲ្យណែនាំបន្ថែមដល់បងប្អូនត្រូវអនុវត្តអោយបានម៉ឺងម៉ាត់តាមការណែនាំរបស់ក្រសួងសុខាភិបាល ដើម្បីចូលរួមទប់ស្កាត់ការឆ្លងរីករាលដាលជំងឺកូវីដ-១៩ នៅតាមសហគមន៍ ៕
https://www.facebook.com/russeykeoPL
