ខេត្តកំពង់ស្ពឺ÷ ជនសង្ស័យ០២នាក់ជាមុខសញ្ញាជួញដូរគ្រឿងញៀនខុសច្បាប់ ត្រូវបានកម្លាំងនគរបាលស្រុកសំរោងទងឃាត់ខ្លួន និងដកហូតបានគ្រឿងញៀនជាង១១កញ្ចប់ នៅស្រុកសំរោងទង ខេត្តកំពង់ស្ពឺ។
នេះបើតាមការបញ្ជាក់ពីលោកវីរៈសេនីយ៍ឯក ឃុត សុផល អធិការនគរបាលស្រុកសំរោងទង បានឲ្យអ្នកសារព័ត៌មានយើងដឹងថា÷ដោយអនុវត្តតាមបទបញ្ជាលោក ឧត្ដមសេនីយ៍ទោ ឃឹម សុកខៃ ស្ន្ងងការនគរបាលខេត្តស្ពឺ នៅថ្ងៃទី៣១ ខែឧសភា ឆ្នាំ២០២៥ កម្លាំងផ្នែកប្រឆាំងគ្រឿងញៀនស្រុកសំរោងទង បានចុះល្បាតនឹងបានធ្វើការឃាត់ខ្លួនមុខសញ្ញាជួញដូរដោយខុសច្បាប់នូវសារធាតុញៀន ១ នាក់: ឃាត់ខ្កួននៅចំណុចភូមិជ្រលងញ៉ូស ឃុំទំព័រមាស ស្រុកសំរោងទង ខេត្តកំពង់ស្ពឺ មុខសញ្ញាជួញដូរដោយខុសច្បាប់នោះមានឈ្មោះ ហួរ ភូមិ ភេទប្រុស អាយុ ២៦ឆ្នាំ នៅភូមិជ្រលងញ៉ូស ឃុំទំព័រមាស ស្រុកសំរោងទង ខេត្តកំពង់ស្ពឺ ក្នុងនោះកម្លាំងនគរបាលផ្នែកប្រឆាំងគ្រឿងញៀន បានដកហូតវត្ថុតាងរួមមាន: -ម្សៅក្រាមព័ណ៌សរថ្លាសង្ស័យជាគ្រឿងញៀនចំនួន ៨កញ្ចប់តូច,ទូរស័ព្ទដៃ ១ គ្រឿង។
លោកវីរៈសេនីយ៍ឯក ឃុត សុផល បានឲ្យដឹងទៀ តថា÷តាមចម្លើយសារភាពឈ្មោះ ហួរ ភូមិ ខាងលើ បានឆ្លើយថាគ្រឿងញៀននោះខ្លួនបានទិញពីឈ្មោះ ចិត្រ ក្រោយមកកម្លាំងជំនាញបានធ្វើការស្រាវជ្រាវនិងឈានទៅឃាត់ខ្លួនឈ្មោះ កែវ វិចិត្រ ភេទប្រុស អាយុ ៣២ឆ្នាំ នៅភូមិក្រាំង ស្វាយ ឃុំធម្មតាអរ ស្រុកសំរោងទង ខេត្តកំពង់ស្ពឺ ការឃាត់ខ្លួនមុខសញ្ញាជួញដូរដោយខុសច្បាប់នោះនៅចំណុចភូមិពាមឃ្លៃ ឃុំទំព័រមាស ស្រុកសំរោងទង ខេត្តកំពង់ស្ពឺ.ក្នុងនោះកម្លាំងនគរបាលផ្នែកប្រឆាំងគ្រឿងញៀន បានដកហូតវត្ថុតាង: គ្រឿងញៀនចំនួន ៣កញ្ចប់ (មធ្យម ១ កញ្ចប់,តូច ២ កញ្ចប់),ទូរស័ព្ទដៃ ១ គ្រឿង និងម៉ូតូ ១ គ្រឿង ។
សូមបញ្ជាក់ផងដែលថា÷ឈ្មោះ កែវ វិចិត្រ មានដីកាបង្គាប់ឲ្យចាប់ខ្លួន ចំនួន ២ ដីកា:
១•ដីកាបង្គាប់ឲ្យចាប់ខ្លួន លេខ ១៦០ ចុះថ្ងៃទី២២ ខែ កុម្ភៈ ឆ្នាំ២០២១ ចេញដោយលោក អ៉ី សាវិញ ចៅក្រមស៊ើបសួរ នៃសាលាដំបូងក/ស្ពឺ ចោទពីបទ: ជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន ប្រព្រឹត្តនៅចំណុចភូមិក្រាំងស្វាយ ឃុំធម្មតាអរ ស្រុកសំរោងទង ខេត្តកំពង់ស្ពឺ កាលពីថ្ងៃទី២៥ ខែមករា ឆ្នាំ២០២១ ។
២•ដីកាបង្គាប់ឲ្យចាប់ខ្លួន លេខ ៧៨០ ចុះថ្ងៃទី១៨ ខែធ្នូ ឆ្នាំ២០២៤ ចេញដោយលោក លាង លីហៀង ចៅក្រមស៊ើបសួរ នៃសាលាដំបូងក/ស្ពឺចោទពីបទ: ជួញដូរ និងប្រើប្រាស់ដោយខុសច្បាប់នូវសារធាតុញៀន ប្រព្រឹត្តនៅចំណុចភូមិរើងពើង ឃុំស្គុះ ស្រុកសំរោងទង ខេត្តកំពង់ស្ពឺ កាលពីថ្ងៃទី១១ ខែវិច្ឆិកា ឆ្នាំ២០២៤។
លោកវីរៈសេនីយ៍ឯក ឃុត សុផល អធិការនគរបាលស្រុកសំរោងទងបានបន្ថែមទៀតថា កម្លាំងនគរបាលផ្នែកប្រឆាំងគ្រឿងញៀនបានចុះល្បាតឃាត់មុខសញ្ញាជួញដូរនិងដកហូតបានវត្ថុតាំងសរុបរួមមាន÷ ឃាត់ខ្លួនជនសង្ស័យចំនួន ២ នាក់ប្រុស នឹងដកហូតម្សៅក្រាមព័ណ៌សរថ្លាសង្ស័យជាគ្រឿងញៀនចំនួន ១១កញ្ចប់ (មធ្យម ១ កញ្ចប់,តូច ១០កញ្ចប់) ,ម៉ូតូ ១ គ្រឿង ,ទូរស័ព្ទដៃចំនួន ២គ្រឿង ។
បច្ចុប្បន្នជនសង្ស័យរួមនិងវត្ថុតាំងកម្លាំងជំនាញកំពុងកសាងសំណុំរឿងចាត់ការតាមនីតីវិធី៕
