ភ្នំពេញ៖ ខ្មែរជួយខ្មែរ ខ្មែរស្រឡាញ់ខ្មែរ នៅ លោកបណ្ឌិត ឃីម រដ្ឋា ចាងហ្វាងគេហទំព័រ រស្មីស្ទឹងត្រង់ បានដឹកនាំក្រុមការងារ និងសហការី ព្រមទាំងព្រះសង្ឃ នាំយកអំណោយ ជាសម្ភារៈ និងគ្រឿងឧបភោគ បរិភោគ ផ្តល់ជូន បងប្អូនប្រជាពលរដ្ឋ ដែលកំពុងភៀសសឹកចេញពីផ្ទះនៅតាមបន្ទាត់ព្រំដែនកម្ពុជា-ថៃ មករកកន្លែងទីទួលមានសុវត្ថិភាព នៅក្នុងវត្តពោធិ៍ ៥ពាន់ដើម ស្ថិតនៅភូមិគូលែនខាងត្បូង ឃុំគូលែនខាងត្បូង ស្រុកគូលែន ខេត្តព្រះវិហារ កាលពីថ្ងៃពុធទី២០ ខែសីហា ឆ្នាំ២០២៥ កន្លងទៅនេះ ។ អំណោយទាំងអស់នេះ គឺជាទឹកចិត្តរបស់ក្រុមការងារក្នុងអង្គភាព និងសម្បុរសជននានា ដើម្បីយកទៅ ផ្តល់ជូន ដល់វិរៈកងទ័ពជួរមុខ ដែលកំពុងការពារទឹកដី ដែលសៀមបានឈ្លានពានកន្លងមកនោះ ។ អំណោយទាំងនោះ មានជាសម្ភារៈ និងគ្រឿងឧបភោគ បរិភោគ សម្លៀកបំពាក់មនុស្សចាស់ និងក្មេង ប្រុសស្រី មួយចំនួនផងដែរ ។
អំណោយ និង សម្ភារៈដែលក្រុមការងាររបស់អង្គភាពគេហទំព័រ រស្មី ស្ទឹងត្រង់ ដឹកនាំដោយលោក ឃីម រដ្ឋា បាននាំយកទៅផ្តល់ជូនរួមមាន ៖ អង្ករ ១ តោន ទឹកសុទ្ធ ៤០០ យួរ មី ៣០ កេស ភេសជ្ជៈ ១០ កេស ទឹកត្រី ២០ យួរ ទឹកស៊ីអ៊ីវ ២០ យួរ ខោអាវ ៣០០ កំប្លេ នំបុ័ង ១០០ ដើម ។
លោក សុខ សាន្តតារា អភិបាលរងខេត្តព្រះវិហារ តំណាងដ៏ខ្ពង់ខ្ពស់ឯកឧត្តម គីម រិទ្ធី អភិបាល នៃគណៈអភិបាលខេត្តព្រះវិហារ បានធ្វើការថ្លែងអំណរគុណយ៉ាងជ្រាលជ្រៅ បំផុតចំពោះលោកបណ្ឌិត ឃីម រដ្ឋា ចាងហ្វាងសារព័ត៌មានរស្មីស្ទឹងត្រង់ និងលោកចាងហ្វាងសារព័ត៌មានមួយចំនួនទៀត ព្រមទាំងសប្បុរសជនទាំងអស់ ដែលបាននាំអំណោយគ្រឿងឧបភោគបរិភោគយ៉ាងច្រើនសន្ធឹកសន្ធាប់ ដើម្បីយកមកចែកជូនដល់វីរៈយុទ្ធជនជួរមុខក្នុងខេត្តប្រាសាទព្រះវិហារ លោកក៏បានសួរសុខទុក្ខទៅដល់ប្រជាពលរដ្ឋដែលជាជនភាសិកចំនួន 250 គ្រួសារ ដែលបានមកទទួលអំណោយនៅថ្ងៃនេះដែរ។
ឆ្លៀតក្នុងឱកាសនោះដែរ លោកបណ្ឌិត ឃីម រដ្ឋា ប្រធានអង្គភាព បានសំណេះសំណាល និងសួរសុខទុក្ខបងប្អូនដែលជាកងកម្លាំងការពារទឹកដីសមរភូមិជូរមុខ ដែលកំពុងឈរជើងការពារទឹកដីដែលសៀម បានឈ្លានពានកន្លងមកនោះ ព្រមទាំងជួយលើកទឹកចិត្តដល់កងកម្លាំងទាំងអស់ដែលខិតខំការពារទឹកដីកម្ពុជា មិនអោយជនណាមកឈ្លានពានទឹកដីកម្ពុជាសូម្បីតែ ១ មីលីម៉ែត្រ និងបានជូនពរ ដល់បងៗ កងកម្លាំងទាំងអស់សូមឲ្យជួបតែសេចក្តីសុខសប្បាយទាំងអស់គ្នា។
ក្នុងឱកាសនេះដែរ លោកបណ្ឌិត ឃីម រដ្ឋា បានស្វះស្វែងរកជំនួយមនុស្សធម៌បន្ថែមទៀត ដើម្បីចូលរួមចំណែក ជាមួយរាជរដ្ឋាភិបាលដែលមានប្រមុខដឹកនាំដ៏ឈ្លាសវៃ ក្លាហាន ដែលមាន សម្ដេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី បច្ចុប្បន្ន ប្រធានព្រឹទ្ធសភានៃព្រះរាជាណាចក្រកម្ពុជា និងសម្ដេចបវរមហាធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលលោកទាំងទ្វេរបានខិតខំពុះពារគ្រប់ឧបសគ្គ ដើម្បីជាតិមាតុភូមិនិងប្រជាពលរដ្ឋកម្ពុជាគ្រប់ៗរូប ! និងមិនអនុញ្ញាតឲ្យបរទេសណាឈ្លានពាន យកទឹកដីកម្ពុជា សូម្បីតែមួយមីលីម៉ែត្រក៏មិនបានដែរ ។
នេះជាវីរភាព និងជាបុព្វហេតុ ការពារជាតិមាតុភូមិកម្ពុជា ពីសំណាក់ប្រមុខដឹកនាំរបស់កម្ពុជាដ៏ឆ្លាតវៃ និងវីរភាពដ៏អង់អាចក្លាហាន របស់វីរៈកងទ័ពជួរមុខរបស់យើង ដែលលោកទាំងអស់ខិតខំតស៊ូពុះពារ គ្រប់ឧបសគ្គទាំងអស់យកអាយុជីវិតសាច់ស្រស់ឈាមស្រស់ទៅប្ដូរដើម្បីជាតិមាតុភូមិនិងប្រជាពលរដ្ឋ។
លោក បណ្ឌិត ឃីម រដ្ឋា ក៏បានបញ្ជាក់នៅក្នុងឱកាសនោះដែរថា កម្លាំងសាមគ្គីមនុស្សធម៌ទាំងអស់នេះហើយ គឺស្មើនឹង ចង្កឹះមួយបាច់គឺជាចង្កឹះខ្លឹមដែលធ្វើឲ្យកម្លាំងសត្រូវ បានឈ្លានពានមកលើប្រទេសជាតិ របស់យើងនេះ មានការភ័យខ្លាចនិងមិនហ៊ានឈ្លានពាន ដើម្បីយកទឹកដីយើងបានទៀតឡើយ។
លោក ឃីម រដ្ឋា និង ក្រុមការងារ ក៏សូមប្រសិទ្ធពរជ័យ សិរីសួស្តី ជ័យមង្គល វិបុលសុខ ជូនដល់បងប្អូនវីរៈកងទ័ពជួរមុខ និងបងប្អូនភៀសសឹកទាំងអស់ ជាពិសេសសប្បុរសជននានា ដែលបានចូលរួមឧបត្ថម្ភទាំងអស់សូមឲ្យជួបតែសេចក្តីសុខ សេចក្តីចម្រើន ជានិរន្តរ៍ ។
ឆ្លៀតឱកាសនោះ លោក ឃីម រដ្ឋា បានថ្លែងអំណរអរគុណដល់ទឹកចិត្តក្រុមការងារអង្គភាពគេហទំព័រ រស្មីស្ទឹងត្រង់ ដែលមានលោកស្រី វឿន សម លោកស្រី ឌន វ៉ន និង កញ្ញា ប៉ាន់ ស្រីមុំ ព្រមទាំងក្រុមការងារទាំងអស់ប្រចាំស្រុកគង់ពិសីខេត្តកំពង់ស្ពឺ ដែលបានខិតខំអំពាវនាវ និងកៀងគរអំណោយឧបត្ថម្ភ ព្រមទាំងសម្បុរសជននានា ដែលបានផ្ដល់ជាសម្ភារៈ គ្រឿងឧបភោគ បរិភោគ និងថវិកា សម្រាប់ប្រគល់ជូន តាមរយៈលោក ដែលជាប្រធានអង្គភាព ដើម្បីយកទៅចែកជូនដល់កងទ័ព ដែលកំពុងបំពេញភារកិច្ចការពារទឹកដីរបស់យើង និងបងប្អូនភៀសសឹក ដែលកំពុងស្នាក់នៅ ទីទួលមានសុវត្តិភាពនៅក្នុងវត្តពោធិ៍ ៥ ពាន់ដើម ។
ក្នុងនោះ លោក ក៏បានថ្លែងអំណរគុណដល់ផងដែរ ព្រះតេជគុណ សុទ្ធសីលោ សុខ សាវិន ជាព្រះគ្រូសូធ្យស្តាំ និង ព្រះសុតបញ្ញោ ឆាយ សុភារៈ ជាព្រះគ្រូសូធ្យឆ្វេងតំណាងដ៏ខ្ពង់ខ្ពស់ ព្រះចៅអធិការវត្តអង្គក្តី ព្រះគ្រូធម្មបាលោ ហែម អ៊ុន ក៏ដូចជាគណៈគ្រប់គ្រង សាលាបឋមសិក្សាអង្គក្តី ព្រមទាំងញាតិញោមចំណុះជើងវត្តអង្គក្តីទាំងមូល និងបងប្អូនសប្បុរសជនជិតឆ្ងាយ បាននាំយកសម្ភារៈផ្សេងៗមកចូលរួមជាមួយអត្មា ភាពរួមមាន អង្ករ មី ត្រីខ ទឹកត្រី ទឹកស៊ីអ៊ីវ ទឹកបរិសុទ្ធ កន្ទេល មុង ភួយ និង គ្រឿងឧបភោគមួយចំនួនទៀត ដើម្បីទៅជួយដល់ជនភៀសសឹកដែលកំពុងជួប ការលំបាកដោយសារការឈ្លានពានពីសំណាក់ចោរសៀម។
លោក ឃីម រដ្ឋា បានថ្លែងអំណរអរគុណជាពិសេស ចំពោះក្រុមហ៊ុន International Office Supply Co.,Ltd បានចូលរួម ឧត្ថម្ភម្សៅទឹកដោះគោ សម្រាប់កូនក្មេង ចំនួន ៥៦ កេស និងទឹកដោះគោសម្រាប់ស្ត្រីពោះធំចំនួន ១០ កេស ៕
########
