ខេត្តកំពង់ស្ពឺ÷ ក្នុងឱកាសអបអរសាទរពិធីបុណ្យកាន់បិណ្យ-ភ្ជុំបិណ្យឆ្នាំនេះ.លោកបណ្ឌិត ឃីម រដ្ឋា និងក្រុមគ្រួសារសាច់ញាតិបងប្អូននឹងលោកជំទាវ ឆាយ សុខន លោក ជា សារ៉ាត់ ប្រធានសមាគម កសិកម្ម ដើម្បីសេដ្ឋកិច្ចគ្រួសារកម្ពុជាសន្តិភាព ព្រមទាំងក្រុមការងារនិងសមាជិកសមាជិការបស់អង្គភាពគេហទំព័រ រស្មី ស្ទឹងត្រង់ បានអញ្ជើញចូលរួមកាន់បិណ្ឌវេនទី១២ នៃពិធីបុណ្យកាន់បិណ្យ-ភ្ជុំបិណ្យ និងចូលរួមឧបត្ថម្ភបច្ច័យដើម្បីកសាងសមិទ្ធផលនានានៅក្នុងវត្ដ អង្គក្ដី ស្ថិតនៅក្នុងភូមិព្រៃស្មច់ ឃុំព្រៃវិហា ស្រុកគងពិសី ខេត្ដកំពង់ស្ពឺ ។
នាឱកាសចូលរួមកាន់បិណ្ឌវេនទី៧១២នេះដែរ លោកបណ្ឌិត ឃីម រដ្ឋា និងក្រុមគ្រួសារសាច់ញាតិបងប្អូននឹងលោកជំទាវ ឆាយ សុខន លោក ជា សារ៉ាត់ ប្រធានសមាគម កសិកម្ម ដើម្បីសេដ្ឋកិច្ចគ្រួសារកម្ពុជាសន្តិភាព ព្រមទាំងក្រុមការងារនិងសមាជិកសមាជិការបស់អង្គភាពគេហទំព័រ រស្មី ស្ទឹងត្រង់ មានសទ្ធាជ្រះថ្លាបរិច្ចាគទេយ្យទានវេរប្រគេនព្រះសង្ឃសម្រាប់ឧបត្ថម្ភក្នុងការកសាងនូវសមិទ្ធផលនានាក្នុងវត្ត អង្គក្តី ជាបច្ច័យចំនួន៧០០.០០០រៀល (ចិតសិបម៉ឺនរៀល) និងជូនសារុងដល់លោកតាលោកយាយ ចំនួន ៥០នាក់ក្នុងមួយនាក់ទទួលបានសារុងមួយនិងថវិកាចំនួន៥០០០រៀល និងសៀវភៅចំនួន ២០០ក្បាល់ចែកជូនដល់សិស្សានុសិស្ស ដោយក្នុងនាក់ទទួលបានសៀវភៅមួយក្បាលនិងថវិកាចំនួន១០០០រៀលផងដែរ ។
ជាកិច្ចបន្ទាប់ លោកបណ្ឌិត ឃីម រដ្ឋា និងក្រុមគ្រួសារសាច់ញាតិបងប្អូននឹងលោកជំទាវ ឆាយ សុខន លោក ជា សារ៉ាត់ ប្រធានសមាគម កសិកម្ម ដើម្បីសេដ្ឋកិច្ចគ្រួសារកម្ពុជាសន្តិភាព ព្រមទាំងក្រុមការងារនិងសមាជិកសមាជិការបស់អង្គភាពគេហទំព័រ រស្មី ស្ទឹងត្រង់ បានអញ្ជើញរាប់បាត្រដើម្បីព្រះសង្ឃស្វាធ្យាយសត្តប្បករុណាភិធម្ម បង្សុកូល ជាកិច្ចឧទ្ទិសកុសលផលបុណ្យជូនវិញ្ញាណក្ខន្ធ បុព្វការីជន មាតាបិតា ជីដូនជីតា និងញាតិកាទាំង៧សណ្តាន ដែលបានចែកឋានទៅកាន់បរលោកខាងមុខ សូមវិញ្ញាណក្ខន្ធអ្នកទាំងអស់ បានទៅសោយសុខក្នុងឋានសុគតិភព កុំបីឃ្លាងឃ្លាតឡើយ។និងបានឧទ្ទិសកុសលជូនដល់វិញ្ញាណក្ខន្ធ វរៈកងទ័ពពលី លើសមរភូមិ ក្នុងពេលបំពេញបេសកកម្ម ការរពារបូរណភាពទឹកដី ដែលបានពលី មរណៈក្នុងរយៈកាលកន្លងមក ។
គួររំលឹកផងដែរថា តាមរយៈការមានជំនឿ ចំពោះព្រះពុទ្ធសាសនានេះហើយ ទើបបច្ចុប្បន្ននេះ ពុទ្ធបរិស័ទកម្ពុជាគ្រប់ស្រទាប់វណ្ណៈបានរួមសាមគ្គីគ្នាកសាងនូវសមិទ្ធិផលជាច្រើនបម្រើឱ្យការរីកចំរើននិងគង់វង្សនៃព្រះពុទ្ធសាសនាដែលជាសាសនារបស់រដ្ឋ។និងមានសារៈសំខាន់ណាស់សម្រាប់ប្រជាជនខ្មែរ បានមកធ្វើបុណ្យទានសម្តែងនូវកតញ្ញូចំពោះអ្នកមានគុណ ឧទ្ទិសកុសលជូនបុព្វការីជន និងញាតកាគ្រប់សន្តាន ដែលទទួលមរណកាលទៅហើយ និងជាឱកាសបានជួបជុំក្រុមគ្រួសារ សាច់ញាតិដែលកំពុងរស់នៅទីជិតឆ្ងាយ និងជួយទំនុកបម្រុងដល់ព្រះសង្ឃ ដែលគង់ចាំព្រះវស្សា អស់រយៈកាលត្រីមាស ចាប់ពីថ្ងៃចូលព្រះវស្សារហូតដល់ថ្ងៃចេញព្រះវស្សា។ ពិសេសពិធីបុណ្យនេះ បានបណ្តុះស្មារតីសាមគ្គីភាពជាតិ ស្រឡាញ់ ថែរក្សា ការពារទំនៀមទម្លាប់ ប្រពៃណី និងដើម្បីលើកកម្ពស់អរិយធម៌ជាតិខ្មែរយើង ថ្ងៃសុក្រ ១២រោច ខែភទ្របទ ឆ្នាំម្សាញ់ សប្តស័ក ព.ស ២៨៦៩ ត្រូវនឹងថ្ងៃទី១៩ ខែកញ្ញា ឆ្នាំ២០២៥ ៕
