កំពង់ស្ពឺ÷ ជនសង្ស័យដែលជាមុខសញ្ញា(កាប់ប្លន់ម៉ូតូ)ត្រូវបានកម្លាំងនគរបាលស្រុកសំរោងទងចាប់ឃាត់ខ្លួនបានជាជាបន្តបន្ទាប់ចំនួន ៩នាក់ និងដហូតបានម៉ូតូចំនួន ៤គ្រឿង នៅចំណុចភូមិសាស្ត្រឃុំត្រពាំងគង ស្រុកសំរោងទង ខេត្តកំពង់ស្ពឺ ។
នេះបើតាមការឲ្យដឹងពីរលោក វរសេនីយ៍ឯក ឃុត សុផល អធិការនគរបាលស្រុកសំរោងទងថានៅថ្ងៃទី១៨ ខែកញ្ញា ឆ្នាំ២០២៥ វេលា ម៉ោង២:២០នាទីទាបភ្លឺ.!ដោយបានអនុវត្តតាមបទបញ្ជាដ៏ខ្ពង់ខ្ពស់របស់លោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ និងដឹកនាំបញ្ជាផ្ទាល់ពីលោកឧត្តមសេនីយ៍ត្រី សម សាក់ ស្នងការរងទទួលផែន ព្រហ្មទណ្ឌ កម្លាំងនគរបាលស្រុកសំរោងទង សហការជាមួយកម្លាំងការិយាយល័យព្រហ្មទណ្ឌ ខេត្តកំពង់ស្ពឺ និង នគរបាលស្រុកអង្គស្នួល ខេត្តកណ្ដាល បានធ្វើការល្បាតតាមផ្លូវជាតិលេខ៤១ ដល់ចន្លោះគីឡូត៍មែត្រ ៥-៦ ស្ថិតនៅភូមិព្នៅ ឃុំត្រពាំងគង ស្រុកសំរោងទង ខេត្តកំពង់ស្ពឺ បានឃាត់មុខសញ្ញាប្លន់និង កាប់កាត់ សាញ អ្នកធ្វើដំណើរពេលយប់ តាមបណ្ដោយផ្លូវជាតិលេខ៤ ផ្លូវជាតិលេខ៥១ ផ្លូវជាតិលេខ៤១ និងផ្លូវលេខ ១៣០ ។
លោកអធិការនគរបាលស្រុកបានបញ្ជាក់ទៀតថាក្នុងប្រតិបត្តិការនោះកម្លាំងនគរបាលបានឃាត់ខ្លួនជនសង្ស័យដែលជាមុខសញ្ញា(កាប់ប្លន់ម៉ូតូ)បានជាបន្តបន្ទាប់ចំនួន ៩នាក់ រួមមាន÷
១-ឈ្មោះ ធី ស៊ីធុយ ហៅធុយ ភេទប្រុស អាយុ១៧ឆ្នាំ រស់នៅភូមិកណ្ដោស ឃុំលំហាច ស្រុកអង្គស្នួល ខេត្តកណ្ដាល ។
២-ឈ្មោះ មឿន ភ័ត្ត្រា ហៅភាក់ ភេទប្រុស អាយុ១៨ឆ្នាំ រស់នៅភូមិថ្មសំលៀង ឃុំត្រពាំងគង ស្រុកសំរោងទង ខេត្តកំពង់ស្ពឺ និងបានដកហូតម៉ូតូ ១គ្រឿង កំបិតផ្គាក់១ដើម ពេលសាកសួរបានឆ្លើយសារភាពថាខ្លួន ពិតជាបានប៉ុនប៉ងប្លន់យកម៉ូតូអ្នកដំណើរតាមផ្លូវពិតប្រាកដមែន ជាមួយបក្ខពួកចំនួន ៤នាក់ទៀត ហើយកម្លាំងនគរបាលបានបន្ដឃាត់ខ្លួន។
៣-ឈ្មោះ អេង វុទ្ធី ហៅធី ភេទប្រុស អាយុ១៨ឆ្នាំ រស់នៅភូមិសំរោង ឃុំត្រពាំងគង ស្រុកសំរោងទង ខេត្តកំពង់ស្ពឺ ជាមុខសញ្ញាមានដីកាបង្គាប់ឲ្យចាប់ខ្លួន លេខ៧៤៣ ចុះថ្ងៃទី៩.១២.២៤ របស់លោក លឹម មករន្ទ ចៅក្រមស៊ើបសួរ សាលាដំបូងខេត្តកំពង់ស្ពឺ ករណីលួចមានស្ថានទម្ងន់ទោស (ប្លន់ម៉ូតូ) ។
៤-ឈ្មោះ អ៊ីម វណ្ណាថាត់ ភេទប្រុស អាយុ១៧ឆ្នាំ រស់នៅភូមិសុខាភិរម្យ ឃុំលំហាច ស្រុកអង្គស្នួល ខេត្តកណ្ដាល មកសាកសួរ។
៥-ឈ្មោះ វ៉ាត់ ពិសិទ្ធ ប្រុស អាយុ១៦ឆ្នាំ រស់នៅភូមិព្រៃក្រឡាញ់ ឃុំលំហាច ស្រុកអង្គស្នួល ខេត្តកណ្ដាល។
៦-ឈ្មោះ ភាព មនា ភេទប្រុស អាយុ១៥ឆ្នាំ រស់នៅភូមិព្រៃក្រឡាញ់ ឃុំលំហាច ស្រុកអង្គស្នួល ខេត្ត កណ្ដាល។
លោកវរសេនីយ៍ឯក ឃុត សុផល បានបន្ថែមទៀតថា ដោយយោងតាមចម្លើយជនសង្ស័យខាងលើកម្លាំងនគរបាលបានបន្តសហការជាមួយកម្លាំងនគរបាល រាជធានីភ្នំពេញ និង ខេត្តកណ្ដាល និងឃាត់ខ្លួនមនុស្ស ៣នាក់ទៀត ។
៧-ឈ្មោះ ឆេន ពិសិដ្ឋ ភេទប្រុស អាយុ១៧ឆ្នាំ រស់នៅភូមិឡធ្យូង ឃុំសំបូ ស្រុកសំរោងទង ខេត្តកំពង់ស្ពឺ ។
៨ -ឈ្មោះ សម្បត្តិ រិទ្ធី ហៅសុខ ធី ភេទប្រុស អាយុ១៧ឆ្នាំ រស់នៅភូមិថ្នល់ទទឹង ឃុំដំណាក់អំពិល ខេត្តកណ្ដាល ។
៩-ឈ្មោះ ផល ចំរ៉ុង ភេទប្រុស អាយុ១៧ឆ្នាំ រស់នៅភូមិបាញ់កង្កែប ឃុំត្រពាំងគង ស្រុកសំរោងទង ខេត្តកំពង់ស្ពឺ ។
ក្នុងនោះកម្លាំងនគរបាលបានឃាត់ខ្លួនមនុស្សសរុប ៩នាក់ ភេទប្រុស និងដកកាំបិតផ្គាក់១ដើម ដាវ១ដើម ម៉ូតូ ៤គ្រឿង ដែលជារបស់ជនសង្ស័យ។
ករណីនេះសរុបមានចំនួន ៦ករណី÷
១-ប៉ុនប៉ងប្លន់១ករណី ២-ប្លន់២ករណី ៣-ប្រើហិង្សាបណ្ដាលអោយស្លាប់១ករណី ៤-កាប់កាត់ សាញ ២ករណី (មានសំណុំរឿង ១ករណី ) ។</p>
លោកអធិការនគរបាលស្រុកសំរោងទងបានឲ្យដឹងទៀតថា មុខសញ្ញាសេសសល់ចំនួន ១០នាក់ ក្នុងនោះកម្លាំងនគរបាលយើងបានបន្តសហការស្រាវជ្រាវរកសាវតាជាតិ និងឃាត់ខ្លួនបក្ខពួកនៅសេសសល់ ។
បច្ចុប្បន្នករណីនេះជំនាញ បានកសាងសំណុំរឿងបញ្ជូនទៅការិយាយលយ័បន្តនិតិវិធី៕
