ខេត្តព្រះវិហារ ៖ នៅព្រឹកថ្ងៃទី១២ ខែតុលា ឆ្នាំ២០២៥ សប្បុរសជនបាននាំយកនូវជំនួយ និងអំណោយ របស់សប្បុរសជននានា ដើម្បីផ្តល់ជូនដល់ បញ្ជាការដ្ឋានទ័ពពិសេស ដែលកំពុងឈរជើងការពារទឹកដី នៅតាមបន្ទាត់ខ្សែរព្រំដែន កម្ពុជា ថៃ នៃខេត្តព្រះវិហារ ។
ក្រុមការងារសប្បុរសជន ដែល បានដឹកយកជំនួយទៅជួយដោយផ្ទាល់នៅទី បញ្ជាការដ្ឋានទ័ពពិសេស រួមមាន÷
១ លោកជំទាវ ឆាយ សុខន
២ លោកបណ្ឌិត ឃីម រដ្ឋា អគ្គនាយកការផ្សាយ របស់ អង្គភាពសារព័ត៌មាន រស្មីស្ទឹងត្រង់
៣ លោក ទុំ រតនា អគ្គនាយកការផ្សាយផ្សាយរបស់អង្គភាព Flash News
៤ យ៉េង សុធា អគ្គនាយការផ្សាយរបស់អង្គភាពសារព័ត៌មាន ST News TV online
៥ ព្រះតេជគុណ សុខ សាវិន ព្រះគ្រូសូត្រស្ដាំ និងព្រះតេជគុណ ឆាយ សុភារៈ ព្រះគ្រូសូត្រឆ្វេង រួមជាមួយញាតិញោមពុទ្ធបរិស័ទ តំណាងព្រះធម្មបាលោ ហែម អ៊ីន ព្រះគ្រូចៅអធិការវត្តអង្គក្ដី ឃុំព្រៃវិហារ ស្រុកគងពិសី ខេត្តកំពង់ស្ពឺ ។
លើសពីនេះ ក៏មាន លោកតាអាយុ ៩៦ឆាំ និងបងប្អូនប្រជាពលរដ្ឋ និងសហការីរបស់អង្គភាព ទាំងអស់សរុបចំនួនប្រមាណជា ២៧ នាក់ ។
អំណោយ សប្បុរសជន ដែលត្រូវបានក្រុមការងារនាំយកនិងឧបត្ថម្ភជូនដល់ដោយផ្ទាល់ ដល់បញ្ជាការដ្ឋានទ័ពពិសេស ដែលកំពុងឈរជើងការពារ តាមបន្ទាត់ខ្សែព្រំដែន កម្ពុជា-ថៃ រួមមាន ៖ ទឹកបរិសុទ្ធ ចំនួន ១,០០០ យួរ, អាវភ្លៀង ចំនួន ៣០ អាវ, មីជាតិ ចំនួន ៦ កេស, ធ្យូង ចំនួន ៦ បាវ, នំបុ័ង ចំរុះ ចំនួន ២៨០ ដើម, បារី ចំនួន ២ សុង ។
នៅក្នុងពិធីការប្រគល់ជំនួយ ដល់កងទ័ពនោះផងដែរ ព្រះសង្ឃចំនួន ២ ព្រះអង្គបានធ្វើ ជយ័ន្តោ ប្រោះព្រំ ជូនដល់កងទ័ពជួរមុខ សូមឱ្យបារមី វត្ថុស័ក្តិសិទ្ធក្នុងលោក តាមជួយថែរក្សាការពារដល់កងទ័ពជួរមុខទាំងអស់ បាននូវសេចក្តីសុខ ឈ្នះអស់មាសត្រូវ ទៅលើកងទ័ពសៀម ដែលកំពុងមានកាឈ្លានពានទឹកដីកម្ពុជា សូមឲ្យវិនាសសន្តិកុំបីខាន ។
លោក ថោង ម៉ាឡៃ នាយការិយាល័យទី៤ តំណាងដ៏ខ្ពង់ខ្ពស់របស់ ឯកឧត្តមឧត្តមសេនីយ៍ទោ ស៊ុំ សំណាង មេបញ្ជាការរដ្ឋានទ័ពពិសេស បានថ្លៃអំណរគុណយ៉ាងជ្រាលជ្រៅនូវ ស្មារតីខ្មែរជួយខ្មែរតែមួយ ជូនចំពោះ លោកអគ្គនាយក អង្គភាពសារព័ត៌មានទាំង៣ និងសហការីទាំងអស់ ពិសេសឯកឧត្តមលោកជំទាវ ព្រមទាំងព្រះសង្ឃ លោកតាលោកយាយ បងប្អូនប្រជាពលរដ្ឋ ដែលបានយកជំនួយមកដល់ ចំណុចទីតាំង ដែលកំពុងឈរជើងរបស់ ទីបញ្ជាការដ្ឋានទ័ពពិសេស សូមឱ្យអស់លោកទាំងអស់បានជួបតែនិងសេចក្តីសុខសេចក្តីចម្រើន រកស៊ីទទួលទានមានបានគ្រប់ក្រុមគ្រួសារទាំងអស់គ្នា។
ស្របជាមួយគ្នា ពេលព្រឹកថ្ងៃទី១២ខែតុលា ឆ្នាំ២០២៥ នេះផងដែរ លោកអគ្គនាយកអង្គភាពសារព័ត៌មានទាំងបីខាងលើ ក្នុងស្មារតីខ្មែរតែមួយត្រូវតែជួយគ្នា នៅក្នុងតំបន់ជួរមុខរបស់កងទ័ពកម្ពុជា ដែលកំពុងឈរជើងការពារខ្សែបន្ទាត់ព្រំដែនកម្ពុជា ថៃ លោក អគ្គនាយកទាំង៣អង្គភាព បានចែករំលែក នូវជំនួយជួយដល់កងទ័ព កងពលលេខ៩ នូវក្នុងទឹកចិត្តបន្តិចបន្តូចជាករួមចំណែករួមមាន៖ ទឹកបរិសុទ្ធចំនួន ២១៤យួ នំប៉័ងចំនួន១២០ដើម មីជាតិ ចំនួន ៤ កេស ដែលមានលោក គីម សុភ័ណ្ឌ (ហៅ តាគ្រោង) តំណាងដ៏ខ្ពង់ខ្ពស់របស់ ឯកឧត្តមមេបញ្ជាការ បានមកទទួលនូវជំនួយឧបត្ថម្ភអំពី លោកអគ្គនាយកទាំង៣អង្គភាព លោក គីម សុភ័ណ្ឌ(ហៅ តាគ្រោង) សូមឱ្យអស់លោកទាំងអស់បានជួបតែនិងសេចក្តីសុខសេចក្តីចម្រើន រកស៊ីទទួលទានមានបានគ្រប់ក្រុមគ្រួសារធ្វើដំណើរទីជិតទីឆ្ងាយសូមបានសុខសុវត្ថិភាពជារៀងរូតកុំបីខាន ៕
