ឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពល បានលើកឡើងថា ÷ «កាលណាមានប្លង់រឹងចេញហើយបើមានគេមកចាប់យកដីនឹង សូមឱ្យយើងខ្ញុំដឹង យើងខ្ញុំធានានឹងការពារសិទ្ធិស្របច្បាប់ និងកម្មសិទ្ធិស្របច្បាប់របស់បងប្អូន» ការលើកឡើងរបស់ឯកឧត្តមខាងលើនេះ គឺកាលពីកន្លងទៅនៅខេត្តពោធិ៍សាត់។
ដោយឡែក ប្រជាពលរដ្ឋដែលរស់នៅក្នុង ឃុំត្រពាំងគង ស្រុកសំរោងទង ខេត្តកំពង់ស្ពឺ មួយចំនួនកំពុងមានក្តីព្រួយបារម្ភថា នឹងអាចអស់ដីលំនៅឋាន ក្រោយគម្រោងស្តារ និងពង្រីកផ្លូវ របស់អាជ្ញាធរខេត្តកំពង់ស្ពឺ ខណៈការដោះស្រាយកន្លងមក អាជ្ញាធរបានត្រឹមតែបង្ខំឲ្យប្រជាពលរដ្ឋផ្តិតមេដៃប្រគល់ដី នឹងគំរាម កំហែង សម្លុតថា នឹងប្រើប្រព័ន្ធតុលាការ ដើម្បីមោឃ:ភាពប័ណ្ណកម្មសិទ្ធិប្លង់រឹង ដីពួកគាត់ទៀតផង.! តែអាជ្ញាធរមិនបាននិយាយរឿងសំណងផលប៉ះពាល់នោះឡើយ។
តើឲ្យប្រជាពលរដ្ឋសង្ឃឹមអ្វី.? បើអ្វីៗកំណត់នៅលើមាត់ពួកអស់លោកអាជ្ញាធរ បើកន្លែងណាពួកអស់លោកអាជ្ញាធរត្រូវការ ពូកអស់លោកតែងតែរកលេសថាកន្លែងនឹងមិនស្របច្បាប់.!
សូមបញ្ជាក់ថា ៖ ដីដែលអាជ្ញាធរកំពុងរៀបគម្រោងលេបយកនោះ គឺមានប័ណ្ណកម្មសិទ្ធិប្លង់រឹងរួចហើយ ដោយមន្ត្រីជំនាញបចុះវាស់វែងដីធ្លីមានលក្ខណៈជាប្រព័ន្ធ ប្រមូលទិន្នន័យ បិទផ្សាយជាសាធារណៈ នូវឯកសារ នៃការវិនិច្ឆ័យ កាលពីកំឡុងឆ្នាំ ២០០៧~២០០៨ និងចេញប័ណ្ណកម្មសិទ្ធប្លង់រឹងនៅឆ្នាំ ២០០៩ ចែកឲ្យប្រជាពលរដ្ឋដើម្បីប្រើប្រាស់ឲ្យស្របទៅនឹងច្បាប់។ ប៉ុន្តែរហូតមកដល់ឆ្នាំ២០២៥ អាជ្ញាធរត្រូវការអភិវឌ្ឍ ក៏បានហៅប្រជាពលរដ្ឋទៅដោះស្រាយ និងនិយាយថាប្លង់ដីនឹងមិនស្របច្បាប់ទេ.! គឺអាជ្ញាធរកាលណោះធ្វើការសាកល្បងទៅវិញ ។
សូមរង់ចាំព័ត៌មានបន្ត ! តើអាជ្ញាធរគម្រោងយកដីពលរដ្ឋដោយមិនបាច់មានសំណងដល់ពួកគាត់ឬ ?៕
