រាជធានីភ្នំពេញ ៖ សំលៀកបំពាក់ចំនួន 15 កំប្លេ ត្រូវបានចែកជូនដល់ប្រជាការពារ ភូមិវិមានទ្រុង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ កាលពីថ្ងៃទី 21 ខែមករា 20 26 ។
លោកបណ្ឌិត ឃីម រដ្ឋា និង ក្រុមការងារអង្គភាពគេហទំព័រ រដ្ឋា រស្មីស្ទឹងត្រង់ បាននាំសំលៀកបំពាក់ចំនួន 15 កំប្លេ ចែកជូនដល់ប្រជាការពារភូមិវិមានទ្រុង ក្នុងសង្កាត់ក្រាំងធ្នង់ ដែលរួមមាន អាវចំនួន 15 ខោចំនួន 15 មួកចំនួន 15 ខ្សែក្រវ៉ាត់ចំនួន 15 ។
អំណោយទាំងនេះ ទទួលបានអំពីសប្បុរសជន រួមមាន លោកជំទាវ ឆាយ សុខន លោកជំទាវ លឹម វណ្ណា លោក សុង ជូរ រួមជាមួយក្រុមការងារអង្គភាពគេហទំព័ររស្មីស្ទឹងត្រង់ ក្នុងទីស្នាក់ការភូមិវិមានទ្រុង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។
ក្នុងនោះ លោកបណ្ឌិត ឃីម រដ្ឋា ក៏បានជួបសំណេះសំណាលជាមួយលោកមេភូមិ អនុភូមិ ប្រជាការពារភូមិ និងបានកោតសើរសើរដល់កិច្ចខិតខំបម្រើប្រជាពលរដ្ឋ ក្នុងមូលដ្ឋានពីសំណាក់ លោកមេភូមិ អនុភូមិ ប្រជាការពារភូមិ ព្រមទាំងបានចែកជូននូវ សំលៀកបំពាក់ជូនដល់ពួកគាត់ ។
លោកមេភូមិបានថ្លែងអំណរអរគុណដល់ លោកបណ្ឌិត ឃីម រដ្ឋា និងម្ចាស់អំណោយ ដែលបានជួយដល់ភូមិវិមានទ្រុងប្រជាការពារ 15 កាំប្លេផងដែរ ជូនពរដល់លោកបណ្ឌិត ឃីម រដ្ឋា និងលោកឯកឧត្តម លោកជំទាវ ក្រុមការងារគេហទំព័ររស្មីស្ទឹងត្រង់ ជួបប្រទះតែសេចក្តី សុខគ្រប់ពេលវេលា ៕
