ខេត្តកំពង់ស្ពឺ ៖ កាលពី ថ្ងៃអាទិត្យ ៨រោច ខែបុស្ស ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹង ថ្ងៃទី១១ ខែមករា ឆ្នាំ២០២៦ នៅវត្តអង្គក្តី បានប្រារព្ធពិធីបុណ្យទក្ខិណានុប្បទាន ឧទ្ទិស កុសលជូនបុព្វវីរៈកងទ័ពកម្ពុជា ។
ពិធីបុណ្យ ទក្ខិណានុប្បទាន ត្រូវបានប្រារព្ធឡើង ដើម្បីឧទ្ទិសកុសលជូនចំពោះ វិបាកបដិសន្ធិ របស់បុព្វវីរៈកងទ័ពកម្ពុជាយើង ដែលបានពលីជីវិតដើម្បីបុព្វហេតុការពារជាតិមាតុភូមិ។
ពិធីបុណ្យដ៏មានអត្ថន័យនេះ បានប្រព្រឹត្តទៅ ក្រោមការដឹកនាំដោយ ព្រះគ្រូធម្មបាលោ ហែម អ៊ីន ព្រះចៅអធិការវត្តអង្គក្តី លោកម្ចាស់សុខ សា វិន ព្រះគ្រូសូធ្យស្តាំ និង លោកម្ចាស់ឆាយ សុភា រះ ព្រះគ្រូសូធ្យឆ្វេង, ព្រះសង្ឃ លោកអាចារ្យ គណៈកម្មការ លោកគ្រូអ្នកគ្រូសិស្សានុសិស្សនិង ប្រជាពុទ្ធបរិស័ទចំណុះជើងវត្តអង្គក្តីជាច្រើនរូប ដែលបានមកជួបជុំគ្នាដោយចិត្តសទ្ធាជ្រះថ្លា ។
សូមបញ្ជាក់ថា វត្តអង្គក្តី ស្ថិតនៅឃុំព្រៃវិហារ ស្រុកគងពិសី ខេត្តកំពង់ស្ពឺ ៕
