ខេត្តកែប ៖ ថ្ងៃទី 5 ខែវិច្ឆិកា ថ្នាំ ២០២៦ រដ្ឋបាលខេត្តកែប មានកិត្តិយសសូមជម្រាបជូនសាធារណជននិងបណ្ដាញ អ្នកសារព័ត៌មាន មេត្តាជ្រាបថា កន្លងមកមានសារព័ត៌មានមួយចំនួនតូចបានចុះផ្សាយថា បែកធ្លាយលិខិតអាស្រូវ ស្នើសុំសិទ្ធិវិនិយោគភាស៊ីផែកែបកោះទន្សាយ 30 ឆ្នាំតម្លៃ 56 ម៉ឺនដុល្លារ តែបង់ចូលរដ្ឋត្រឹមតែ 10 លានរៀលក្នុងមួយឆ្នាំ ។
ការចុះផ្សាយខាងលើនេះ គ្មានមូលដ្ឋានការពិតនិងមិនមានមូលដ្ឋានគ្រប់ជ្រុងជ្រោយ ដោយមិនបានទំនាក់ទំនងសួរ ព័ត៌មានឲ្យបានច្បាស់លាស់ជាមួយអ្នកនាំពាក្យរដ្ឋបាលខេត្ត។
រដ្ឋបាលខេត្តសូមជម្រាបជូនថា បច្ចុប្បន្នចំណតជលយានទេសចរណ៍ផែកែបកោះទន្សាយមានទីតាំងស្ថិតនៅភូមិកែបសង្កាត់កែបក្រុងកែបកំពង់ខ្វះហេដ្ធារបនា សម្ព័ន្ធគាំទ្រជាច្រើនដូចជាបង្កាន់ដៃជុំវិញផែ សម្រាប់ជំនួយដល់ភ្ញៀវឡើងចុះទូកចំណតរថយន្តជណ្ដើរឡើងចុះទូកភ្លើងបំភ្លឺសាធារណៈអគារផែមានសោភណភាព។
ដោយពិនិត្យឃើញស្ថានភាពដូចនេះនឹងដើម្បីឆ្លើយតបទៅនិងការកើតឡើងភ្ញៀវទេសចរណ៍ ។ ជាតិអន្តរជាតិដែលធ្វើដំណើរតាមកំពង់ផែខាងលើទៅទស្សនាសម្រាក លំហែកំសាន្តតាមបណ្ដាលកោះនានាក្នុងខេត្តកែបក៏ដូចជាចូលរួមលើកកម្ពស់វិស័យដឹកជញ្ជូនភ្ញៀវទេសចរណ៍ឲ្យកាន់តែទំនើបនិងសុវត្ថិភាពរដ្ឋបាលខេត្តមានបំណងរៀបចំចំណតជលយានទេសចរណ៍ផែកែបកោះទន្សាយឡើងវិញ រាប់តាមលក្ខណៈបច្ចេកទេសប្រកបដោយគុណភាពនិងសោភ័ណភាព។
ស្របជាមួយគ្នានេះ រដ្ឋបាលខេត្តក៏ទទួលបានសំណើរបស់អ្នកវិនិយោគដែលបានស្នើសុំវិនិយោគចំណតជល យានទេសចរណ៍ខែកែបកោះទន្សាយរយៈពេល 30 ឆ្នាំដោយស្នើសុំបង់ចំណូលចូលចូលថវិការដ្ឋ 10 លានរៀល ក្នុងមួយឆ្នាំបន្ទាប់ពីទទួលបានសំណើនិងដើម្បីលើកទឹកចិត្តដល់អ្នកវិនិយោគក្នុងស្រុកដែលធ្លាប់មានស្នាដៃល្អក្នុងការចូលរួមវិនិយោគខេត្ត រដ្ឋបាលខេត្តបានរៀបចំកិច្ចប្រជុំគណៈអភិបាលខេត្តនិងកិច្ចប្រជុំក្រុមប្រឹក្សាខេត្តជាលទ្ធផល សំណើរគម្រោងវិនិយោគខាងលើត្រូវបានទទួលការគាំទ្រ។ អនុវត្តតាមសារាចរណ៍លេខ ០០៤ សហវ ចុះថ្ងៃទី ៤ ខែកុម្ភៈ ឆ្នាំ ២០១៤ រដ្ឋបាលខេត្តត្រូវស្នើសុំក្រសួងសេដ្ឋកិច្ចនិងហិរញ្ញវត្ថុជាអ្នកពិនិត្យវាយតម្លៃ និងសម្រេចលើផ្នែកហិរញ្ញវត្ថុសរុបតាមគោលការណ៍និងនីតិវិធីជាធរមាន។
ក្នុងគណនេយ្យចុះផ្សាយដោយគ្មានវិជ្ជាជីវៈគ្មានមូលដ្ឋានការពិតដែលមានចេតនាញុះញង់ធ្វើឲ្យប៉ះពាល់ដល់កិត្តិយសថ្នាក់ដឹកនាំខេត្តត្រូវទទួលខុសត្រូវចំពោះមុខច្បាប់ជាធរមាន។
អាស្រ័យហេតុដូចបានជម្រាបជូនខាងលើសូមសាធារណជន និងបណ្ដាញអ្នកសារព័ត៌មានមេត្តាទទួលជ្រាបជាព័ត៌មានតាមការគួរ ៕
រដ្ឋបាលខេត្ត
