កណ្ដាល៖ ដោយមើលឃើញពីទុក្ខលំបាករបស់ប្រជាពលរដ្ឋក្នុងមូលដ្ឋាននៅព្រឹកថ្ងៃទី ១២ខែវិច្ឆិកា ឆ្នាំ ២០២១ ក្រុមការងារស្រុកចុះត្រួតពិនិត្យមូល0ដ្ឋាន ភូមិស្ទឹង២ ឃុំសំរោងធំ ស្រុកកៀនស្វាយ0 ខេត្តកណ្ដាល ដឹកនាំដោយលោក ឯក សុផាត ប្រធានក្រុមការងារ អមដំណើរ ដោយលោកវរសេនីយ៍ឯក ព្រុំ សំណាង អធិការស្រុកកៀនស្វាយ ជាលោកប្រធានក្រុមការងារចុះត្រួតពិនិត្យចំណុចទីតាំងដី ដែលត្រូវរងជន់លិចដោយទឹកភ្លៀងជាប់ខែឆ្នាំមកហើយ ដើម្បីរំដោះទឹក ដោយហេតុ ប្រជាពលរដ្ឋកំពុងរស់នៅរងការពិបាកខ្លាំង ដោយលិចលង់ផ្ទះសម្បែង ។
នៅក្នុងការចុះត្រួតពិនិត្យស្ថានភាពរំដោះទឹកលិចលង់នោះ លោកវរៈសេនីយ៍ឯក ព្រំ សំណាង អធិការស្រុកកៀនស្វាយបានចំណាយថវិកាផ្ទាល់ខ្លួនរបស់លោកចំនួន4 លានរៀល ដើម្បីធ្វើការដាក់លូរំដោះទឹកដែលកំពុងតែលិចលង់ ។
នៅក្នុងវិធីសាស្ត្រដោះស្រាយនេះលោកវរសេនីយ៍ឯក ព្រំ សំណាង ក៏បានចំណាយនូវទីតាំងដីឡូរបស់ឪពុកក្មេក ម្ដាយក្មេកផ្ទាល់តែម្ដង ដើម្បីកាយដីដាក់លូរំដោះទឹកដែលបានជន់លិចដោយទឹកភ្លៀងមិនឱ្យប្រជាពលរដ្ឋរងការលំបាកក្នុងការរស់នៅដោយលិចលង់ទៀតទេ ៕
និពន្ធនាយកការផ្សាយ រស្មីស្ទឹងត្រង់
