សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានចេញអនុក្រឹត្យផ្ទេរភារកិច្ច និងតែងតាំង លោក សុខ សំណាង ពីស្នងការនគរបាលខេត្តតាកែវ ទៅជាអគ្គនាយករង នៃអគ្គនាយកដ្ឋានអត្តសញ្ញាណកម្ម នាថ្ងៃ១១ ខែវិច្ឆិកា ឆ្នាំ២០២១។
តើមន្ត្រីនគរបាលជាន់ខ្ពស់រូបណា នឹងមកជំនួសតំណែងនេះ? សង្ឃឹមថា ស្នងការឡើងថ្មី នឹងឆាប់ចាត់ការ ផ្តល់យុត្តិធម៌ជូន បងប្អូនអ្នកកាសែត ០៩នាក់ ដែលរងការវ៉ៃដំ ប្លន់យកទ្រព្យសម្បត្តិ ដោយក្រុមបក្ខពួកបនល្បែងស៊ីសងខុសច្បាប់ នៅស្រុកបាទី កាលពីថ្ងៃទី១៦ តុលា ២០២១ ។ ព្រោះក្រោយទទួលបណ្តឹងខាងក្រោម កាលពីថ្ងៃទី១៩ ខែតុលា ឆ្នាំ២០២១ ឯកឧត្តមព្រះរាជអាជ្ញាអមសាលាដំបូងខេត្តតាកែវ បានចេញដីការបង្គាប់អោយ មន្ត្រីនគរបាលយុត្តិធម៌ខេត្តតាកែវ ជាអ្នកចុះពិនិត្យ ស៊ើបអង្កេត និង កសាងសំណុំរឿង ជូនតុលាការ ។
ហើយមកដល់ពេលនេះ ជនរងគ្រោះតែ៣នាក់ប៉ុណ្ណោះ បានចូលបំភ្លឺជូន អធិការដ្ឋាននគរបាលស្រុកបាទី នៅសល់ ០៦នាក់ផ្សេងទៀត មិនទាន់ទទួលបានការកោះហៅចូលបំភ្លឺនៅឡើយទេ កំពុងទន្ទឹងរង់ចាំយុត្តិធម៌ ៕
