ខេត្តកណ្ដាល៖ ឯកឧត្តម គង់ សោភ័ណ្ឌ អភិបាល ខេត្ត នៃគណៈអភិបាលខេត្តកណ្ដាល និងជាប្រធានគណៈកម្មាធិការសាខាកាកបាទក្រហមកម្ពុជាខេត្តកណ្ដាល ព្រមទាំងសហការរី មន្ត្រីរាជការ និងសប្បុរសជននានា នៅព្រឹកថ្ងៃទី៨ ខែវិច្ឆិកា ឆ្នាំ២០២១នេះ បានចែក អាវរងា ភួយ និង ស្បៀងអាហារមួយចំនួន ដល់ ពលរដ្ឋ ចាស់ចាស់ជរា និង មានជីវភាពខ្វះខាត ចំនួចំ៣៩៨នាក់ មកពីសង្កាត់ទាំង៦ ក្នុងក្រុងតាខ្មៅ ។
ថ្លែងក្នុងពិធីនេះ ឯកឧត្តម គង់ សោភ័ណ្ឌ បានបញ្ជាក់ថា ការចែក អំណោយ នេះ ធ្វើឡើង ដើម្បីឆ្លើយតបតាមការអំពាវនាវរបស់ សម្ដេច អគ្គសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលបានអំពាវនាឱ្យអាជ្ញាធរ ត្រូវយកចិត្តទុកដាក់ ចំពោះ ជន ងាយ រងគ្រោះ ក្នុង ពេល មាន ធាតុអាកាស ត្រជាក់ ចូល មកដល់ ដើម្បី រក្សា ភាព កក់ក្តៅ និង សុវត្ថិភាព ក្នុង ពេល អាកាសធាតុ ចុះ ត្រជាក់ ។
ឯកឧត្តមបានបញ្ជាក់បន្ថែមថា ការចែកអំណោយជាអាវរងា ភួយ និងស្បៀងអាហារនេះ នឹងបន្តចែកជូនប្រជាពលរដ្ឋនៅក្នុងខេត្តកណ្ដាលជាបន្តបន្ទាប់ទៀត ដើម្បីជួយសម្រាលទុកលំបាកប្រជាពលរដ្ឋក្នុងមូលដ្ឋាន មិនទុកឱ្យប្រជាពលរដ្ឋមានការលំបាកឡើយ។
នាឱកាសនោះដែរ ឯកឧត្តមក៏បានផ្តាំផ្ញើសួរសុខទុក្ខពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដោយក្តីនឹករលឹកបំផុត និងបានថ្លែងនូវការកោតសរសើរ និងថ្លែងអំណរគុណ យ៉ាងជ្រាលជ្រៅចំពោះទឹកចិត្តដ៏សប្បុរសប្រកបដោយព្រហ្មវិហារធម៌ របស់សប្បុរសជនទាំងអស់ ដែលបានបរិច្ចាគធនធាន ពេលវេលា កម្លាំងកាយចិត្ត ចេញពីបេះដូងមនុស្សធម៌សុទ្ធសាធក្នុងការចូលរួមចំណែកជួយដល់ជនរងគ្រោះ និងជនងាយរងគ្រោះបំផុត នៅក្នុងខេត្តកណ្ដាល។
ក្រៅពីនេះ ឯកឧត្តមក៏បានណែនាំឱ្យមនុស្សវ័យចំណាស់ទាំងអស់បន្តថែទាំសុខភាព ទោះបីជាប្រមុខរាជរដ្ឋាភិបាល បានសម្រេចឱ្យបើកប្រទេសឡើងវិញក៏ដោយ និងបានសំណូមពរឱ្យប្រជាពលរដ្ឋទាំងអស់ថែរក្សាសុខភាពរបស់ខ្លួនឱ្យបានល្អ តាមការណែនាំរបស់ក្រសួងសុខាភិបាល ពិសេសក្នុងកាលៈទេសៈដែលកម្ពុជាមិនទាន់បានបញ្ចប់ជំងឺកូវីដ-១៩នៅឡើយ។
បើ យោង តាម ក្រសួង ធនធាន ទឹក និង ឧតុនិយម បានឲ្យ ដឹង ថា អាកាសធាតុ ត្រជាក់ នឹង បន្ត រហូតដល់ ខែកុម្ភៈ ឆ្នាំ ២ ០ ២ ២ ហើយអាកាសធាតុ ត្រជាក់ ត្រូវ បាន គេ រំពឹង ថា នឹង ធ្វើ ឱ្យ សីតុណ្ហភាព នៅ តំបន់ នានា ក្នុង ប្រទេស ធ្លាក់ចុះ មក នៅ ត្រឹម ១ ៥ អង្សា រ សេ ។
សូមបញ្ជាក់ផងដែរថា ប្រជាពលរដ្ឋចាស់ជរាទាំង ៣៩៨នាក់ បានទទួលអំណោយមនុស្សធម៌ពីសាខាកាកបាទក្រហមកម្ពុជាខេត្តកណ្ដាល ដោយក្នុងម្នាក់ទទួលបាន៖ ភួយ១ អាវរងា១ មី ១កេស ត្រីខ ១យួរ ជែលលាងដៃ ១ដប សាប៊ូ ១ដុំ និងម៉ាស់ ១០បន្ទះ។
