ខេត្តបន្ទាយមានជ័យ ៖ ព្រឹក ថ្ងៃទី២៥ ខែមិថុនា ឆ្នាំ២០១៩នេះនៅសាលប្រជុំសាលាខេត្ត
លោកជំទាវ ប៉ុក ណាឌី អភិបាលរងខេត្តបន្ទាយមានជ័យបានចូលរួមបើកកិច្ចប្រជុំបូកសរុបប្រចាំត្រីមាសទី១ខែឧសភា ឆ្នាំ២០១៩ ក្នុងការប្រយុទ្ធប្រឆាំងអំពើជួញដូរមនុស្សថ្នាក់ខេត្តកិច្ចប្រជុំនោះមានការចូលរួមមន្ត្រីកងរាជអាវុធហត្ថ មន្ត្រីនគរបាល និងមន្ត្រីពាក់ព័ន្ធជាច្រើនាក់ទៀត។
ក្នុងកិច្ចប្រជុំនោះលោកជំទាវ ប៉ុក ណាឌី បានមានប្រសាសន៍ថាកិច្ចប្រជុំនេះដើម្បីធ្វើការផ្សព្វផ្សាយដល់ប្រជាពលរដ្ឋ ស្ត្រី កុមារ ដែលងាយរងគ្រោះ ឲ្យធានាបានការចំណាកស្រុកទៅធ្វើការនៅក្រៅស្រុកប្រកបដោយសុវត្តិភាព និងធ្វើការទប់ស្កាត់ការប្រើប្រាស់ពលកម្មលើកុមារ ដូចជាក្នុងសិប្បកម្មឡឥដ្ឋ ការដ្ឋានសំណង់ កន្លែងលាងរថយន្ត ម៉ូតូ អូសរទះ និងសហការជាមួយអង្ការដៃគូ និងអង្ការពាក់ព័ន្ធដើម្បីជួយដល់កូនចៅប្រជាពលរដ្ឋក្រីក្រ ជនងាយរងគ្រោះ សង្គ្រោះកុមារឲ្យរួចផុតពីពលកម្មធ្ងន់ធ្ង ដោយមួយចំនួនបានបញ្ជូនឲ្យបានចូលរៀននៅតាមសាលា និងមួយចំនួននៅតាមសាលាវិជ្ជាជីវះជាដើម។
លោកជំទាវ ប៉ុក ណាឌី បានបញ្ជាក់ឲ្យដឹងទៀតថាអំពជួញដូរមនុស្សនិងគេងប្រវ័ញ្ចលើមនុស្សគ្រប់រូប លើកុមារ ស្ត្រី ជាមនុស្សឧក្រិដ្ឋ ដែលច្បាប់មិនអាចអត់អោនឲ្យបានឡើយ ។ លោកជំទាវ ប៉ុក ណាឌី បានបញ្ជាក់ឲ្យដឹងទៀតថា បទល្មើសជួញដូរមនុស្សក្នុងពេលកន្លងមកគឺជាឧក្រិដ្ឋកម្មឆ្លងដែនដែលកាន់តែស្រួចស្រាវនិង គ្រោះថ្នាក់បំផុតរបស់មនុស្សជាតិជាពិសេសក្នុងចំណោមពលករទេសន្តប្រវេសន៍ដែលបានចាកចេញទៅធ្វើការងារនៅក្រៅប្រទេសនិងជនភៀសខ្លួនទាំងចាស់ទាំងក្មេងប្រុសទាំងស្រីដោយមិនរើសមុខនិងគ្មានមនុស្សធម៌ឡើយ ។
លោកស្រី ប៉ុក ណាឌីបានបញ្ជាក់ទៀតថា ជនល្មើសការជួញដូរមនុស្សកាន់តែព្រហើនមានល្បិចកាន់តែខ្ពស់ មានបណ្ដាញ ប្រទាក់ក្រឡាគ្នាកាន់តែស្មុកស្មាញឆ្លងដែនពីប្រទេសមួយទៅប្រទេសមួយនិងមានប្រព័ន្ធទំនាក់ទំនងកាន់តែទំនើបដែលបង្ករការលំបាកដល់សម្ថកិច្ចនិងរដ្ឋាភិបាលនៃបណ្ដាប្រទេសពាក់ព័ន្ធនានាបង្ក្រាបនិងផ្ដន្ទាទោសជនល្មើសឲ្យមានប្រសិទ្ធភាពទៀតផង។ ក្នុងនោះលោកទំទាវ ប៉ុក ណាឌី បានគាំទ្រការធ្វើទេសន្តប្រវេសន៍ដោយស្របច្បាប់និងមានរបៀបរៀបរយតែក៏ត្រូវរក្សាតុល្យភាពនៃកម្លាំងពលកម្មក្នុងស្រុកដែលជាសេចក្ដីត្រូវការក្នុងកិច្ចអភិវឌ្ឍជាតិផងដែរដោយលើកកម្ពស់លើវិស័យ ទេសចរណ៍ កសិកម្ម សំណង់ហេដ្ឋារចនាសម្ព័ន្ធ ឧស្សាហកម្ម សិប្បកម្ម និងពានិជ្ជកម្មជាដើម។ហើយជីវភាពកម្មករកាន់តែប្រសើរ នៅប៉ុន្មានឆ្នាំចុងក្រោយនេះរាជរដ្ឋាភិបាលបានលើកកម្ពស់សិទ្ធិ និងអត្ថប្រយោជន៌ស្របច្បាប់ជាច្រើនដល់កម្មករ កម្មការនី ដូចជាការលើកកម្ពស់លក្ខខ័ណ្ឌការងារសមស្របការតម្លើងប្រាក់បៀវត្ស និងការផ្ដល់ប្រាក់សោធននិវត្តន៌ផងដែរ។
លោកស្រី ប៉ុក ណាឌី បានបញ្ជាក់ឲ្យដឹងទៀតថា ដើម្បីឆ្លើយតបនឹងបញ្ហានេះរដ្ឋបាលខេត្តបានដាក់វិធានការជាយុទ្ធសាស្ត្រ ៤យ៉ាងមានការងារបង្ការទប់ស្កាត់ កិច្ចការពារជនរងគ្រោះ ការអនុវត្តច្បាប់ និងការពង្រឹងកិច្ចសហការក្នុងការរៀបចំនិងជម្រុញការអនុវត្តច្បាប់គោលនយោបាយនានាជាដើម៕
