(ខេត្តកំពត)៖ កាលពីរសៀលថ្ងៃទី០២ ខែកក្កដា ឆ្នាំ២០២០ លោក ជាវ តាយ អភិបាលនៃគណៈអភិបាលខេត្ត បានដឹកនាំប្រធានមន្ទីរអង្គភាពជំនាញ និងមន្ត្រីពាក់ព័ន្ធ ចូលរួមកិច្ចប្រជុំ ស្តីពីការចុះធ្វើសវនកម្មលើការគ្រប់គ្រងហិរញ្ញវត្ថុ និងការគ្រប់គ្រងទ្រព្យសម្បត្តិរដ្ឋសម្រាប់ការិយបរិច្ឆេទឆ្នាំ២០១៩ និងឆ្នាំពាក់ព័ន្ធរបស់រដ្ឋបាលខេត្ត ជាមួយនឹងអាជ្ញាធរសវនកម្មជាតិ ដឹកនាំដោយ បណ្ឌិត លាប ប៉ូឡូ ប្រធានប្រតិភូអាជ្ញាធរសវនកម្មជាតិ។
ការធ្វើសវនកម្មរបស់អាជ្ញាធរជាតិនៅរដ្ឋបាលខេត្តកំពតនេះ ក្នុងគោលបំណង ពិនិត្យលើការគ្រប់គ្រងហិរញ្ញវត្ថុ ការគ្រប់គ្រងទ្រព្យសម្បត្តិរដ្ឋ ការអនុលោមតាមបទបញ្ញត្តិ និងការគ្រប់គ្រងទ្រព្យសម្បត្តិរដ្ឋ និងចុះធ្វើសវនកម្មលើកិច្ចប្រតិបត្តិការការងារលើការរៀបចំនិងការអនុវត្តថវិការបស់រដ្ឋបាលថ្នាក់ក្រោមជាតិនៅខេត្តកំពតសម្រាប់ការិយបច្ឆេទ២០១៩ និងឆ្នាំពាក់ព័ន្ធ។
លោក ជាវ តាយ អភិបាល នៃគណៈអភិបាលខេត្ត បានថ្លែងអំណរគុណដល់ ប្រតិភូអាជ្ញាធរសវនកម្មជាតិដែលបានចុះមកខេត្តកំពតនាពេលនេះ និងស្នើសុំដល់ប្រតិភូជួយសម្របសម្រួលនិងកែតម្រូវនូវចំណុចខ្វះខាតបានរកឃើញ ដើម្បីកែលម្អដល់ការអនុវត្តការគ្រប់គ្រងហិរញ្ញវត្ថុ និងការគ្រប់គ្រងទ្រព្យសម្បត្តិរដ្ឋ កាន់តែល្អប្រសើរឡើង និងស្នើសុំឲ្យប្រធានមន្ទីរអង្គភាពពាក់ព័ន្ធ សហការបានល្អជាមួយប្រតិភូអាជ្ញាធរសវនកម្មជាតិ និងរៀបចំទីកន្លែងសមរម្យសម្រាប់ប្រតិភូធ្វើការងារក្នុងកំឡុងពេលបេសកកម្មនៅខេត្តកំពត ទទួលបានជោគជ័យ៕
