ខេត្តកំពង់ធំ៖ផ្សាយចេញថ្ងៃទី ២៩.០៦.២០២៣ ទីតាំងល្បែងមាន់ជល់អនឡាញភ្នាល់លុយគ្នាបង្កប់ក្នុងតៀមកាហ្វេ នីន នីន កាហ្វេដូង ចំនុចគីឡូម៉ែត្រលេខ ១១១ ស្ថិតនៅក្នុងភូមិស្វាយ ឃុំបារាយណ៍ ស្រុកបារាយណ៍ ខេត្តកំពង់ធំ បើកលេងដំណើរការជារឿងរាល់ថ្ងៃដោយមិនសំខាន់សមត្ថកិច្ចបន្តិចឡើយ។
ប្រភពបានលើកឡើងថា ល្បែងអនឡាញតាមទូរទស្សន៍និងឡេបថប ដ៏ពេញនិយមទាំងនោះ គេមានលេងភ្នាល់ប្រាក់ រាប់ម៉ឺន លានរៀល ក្នុងមួយថ្ងៃៗ បើតាមពិតទៅ ទីតាំងល្បែងទាំងនោះ ក៏គេឃើញមានសមត្ថកិច្ចចុះបង្ក្រាបម្ដងម្កាលដែរ ដើម្បីទុកបង្ហាញស្នាដៃ ប៉ុន្តែនៅកន្លែងជាច្រើនទៀតត្រូវគេថែរក្សាទុក។
ពលរដ្ឋនៅក្នុងមូលដ្ឋានលើកឡើងថាលោក សួង ថេង អធិការស្រុកបារាយណ៍ ប្រហែលជាមិនខ្វល់ខ្វាយក្នុងការយកចិត្តទុកដាក់ចុះបង្ក្រាបល្បែងស៊ីសងនៅក្នុងមូលដ្ឋានរឺគិតថាល្បែងទាំងនោះគឺជាល្បែងកំសាន្តប្រជាប្រិយ៍សម្រាប់ក្រុមអ្នកប្រមូលផ្តុំលេងល្បែង។
ជុំវិញទីតាំងបង្កប់លេងល្បែងសុីសង់ខាងលើពលរដ្ឋនៅក្នុងឃុំបារាយណ៍ស្នើសុំ លោកឧត្តមសេនីយ៍ទោ ម៉ែន លី ស្នងការខេត្តកំពង់ធំជួយទប់ស្កាត់និងបង្ក្រាប ល្បែងស៊ីសងជល់មាន់តាមអនឡាញ ដែលមានស្លាកសញ្ញាសំគាល់ (N.Y.88) កំពុងពង្រីកទីតាំងរបស់ខ្លួននៅតាមបណ្ដាស្រុកជាច្រើនកន្លែងក្នុងខេត្តកំពង់ធំ ដើម្បីចូលរួមចំណែកបញ្ជៀសអំពើចោលកម្មនៅក្នុងមូលដ្ឋានផ្សេងៗដូចជា៖ចោរលួច-ចោរឆក់-ចោរប្លន់-គាស់ផ្ទះនិងហិង្សាក្នុងគ្រួសារជាដើម សង្ឃឹមថាទីតាំងល្បែងសុំមួយនេះនឹងបង្ក្រាបបានចាក់ជាមិនខានក្រោមការយកចិត្តទុកដាក់ខ្ពង់ខ្ពស់ពីលោកស្នងការ។
អង្គភាពយើងរង់ចាំការបំភ្លឺគ្រប់ស្ថាប័នពាក់ព័ន្ធរាល់ម៉ោងធ្វើការ។សូមអគុណ??
