ខេត្តកំពង់ស្ពឺ៖ ដោយសារតែភ្លើងប្រច័ណ្ឌធ្វើឱ្យបុរសជាប្តីដាច់ចិត្តទាញពូថៅ ផ្តាច់ជីវិតប្រពន្ធពេលកំពុងសម្រាកលង់លក់ក្នុងដំណេក បុរសជាប្តីព្យាយាមរត់គេចប៉ុន្តែកម្លាំងសមត្កិច្ចឡោមព័ទ្ធជាប់ ក៏សម្រេចចិត្តចងកសម្លាប់ខ្លួននៅលើដើមឈើតែម្ដងទៅ។
ហេតុការណ៍បុរសជាប្តីទាញពូថៅកាប់ប្រពន្ធស្លាប់នេះបានកើតឡើងកាលពីវេលាម៉ោង១០និង៤០នាទីយប់ថ្ងៃទី១៥ ខែសីហា ឆ្នាំ២០២៣ នៅចំណុចភូមិក្រាំងតាចរ ឃុំរុងរឿង ស្រុកថ្ពង ខេត្តកំពង់ស្ពឺ។
នគរបាលស្រុកថ្ពងបាននិយាយឱ្យដឹងថា ករណីខាងលើនេះ បង្ករឡើងដោយជនសង្ស័យ ឈ្មោះ សុខ ខេង ភេទប្រុស អាយុ៤០ឆ្នាំ ត្រូវជាប្តីបានយកពូថៅកាប់ទៅលើប្រពន្ធ ឈ្មោះ អុល សំអុន អាយុ៣៩ឆ្នាំ ចំកញ្ចឹងករខាងឆ្វេងចំនួនពីរពូថៅបណ្តាលឲ្យស្លាប់ភ្លាមៗខណ្ណះជនរងគ្រោះសំរានលង់លក់នៅក្នុងផ្ទះលើពូកដោយមិនដឹងខ្លួន។
នគរស្រុកបានបន្តទៀតថា បន្ទាប់ពីសម្លាប់ប្រពន្ធរត់គេចខ្លួនចូលព្រៃ ដោយសារការឡោមព័ន្ធជុំវិញព្រៃរបស់កម្លាំងសមត្ថកិច្ច សហការជាមួយប្រជាការពារនិងជូយប្រទាក់ក្រឡារបស់អធិកាដ្ឋានស្រុកសាមគ្គីមុន្នីជ័យ ជនបង្កមិនអាចគេចខ្លួនបានក៏សម្រេចចិត្តចងកសម្លាប់ខ្លួនឯង។
នគរបាលស្រុកថ្ពងបានបញ្ជាក់ថា÷មូលហេតុដែលបុរសជាប្តីដាច់ចិត្តយកពូថៅកាប់លើប្រពន្ធនោះ .បើតាមការបំភ្លឺពីប្រជាពលរដ្ឋជិតខាងជនសង្ស័យគឺជាមនុស្សញៀនស្រាជាប្រចាំនិងប្រច័ណ្ឌប្រពន្ធជារាងរាល់ថ្ងៃទើបឈានទៅដល់ការកាប់សម្លាប់ប្រពន្ធខ្លួនឯងតែម្តងទៅ៕
