ខេត្តកណ្តាល ៖ កាលពីថ្ងៃពុធ ១៤ កើត ខែអសុ្សជ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី ១៦ ខែតុលា ឆ្នាំ ២០២៤ វេលាម៉ោង ១៥:០០នាទី នៅលើផ្លូវជាតិលេខ១ ចន្លោះគីឡូម៉ែត្រលេខ៤៤-៤៥ចំណុច ភូមិព្រែកត្រែង ឃុំសំរោងធំ ស្រុកកៀនស្វាយខេត្តកណ្តាល កើតមានគ្រោះថ្នាក់ចរាចរណ៍មួយករណី បណ្តាលបុរសម្នាក់ បានស្លាប់ភ្លាមៗនៅនឹងកន្លែង បន្ទាប់ពីខ្លួនបានដួលម៉ូតូ និងជះចូលទៅក្រោមរថយន្ត នករណីគ្រោះថ្នាក់ចរាចរណ៍មួយកើតឡើង ។
យោងតាមសេចក្តីរាយការណ៍អោយដឹងថា នៅថ្ងៃខែឆ្នាំវេលាម៉ោងកើតហេតុ ខាងលើរថយន្ដ០១គ្រឿង ម៉ាក Nissan បែនធុនធ្ងន់ ពណ៌ខៀវ ផលិតឆ្នាំ១៩៩២ (ចង្កូតស្ដាំ) ពាក់ស្លាកលេខ ព្រះសីហនុ 3A -0155 អ្នកបើកបរមិនស្គាល់អត្ដសញ្ញាណ (រត់គេចខ្លួន) បើកបរទិសដៅ ភ្នំពេញ ទៅ អ្នកលឿង ។ មកដល់ចំណុចកើតហេតុ រថយន្តខាងលើបានបុកម៉ូតូ០១គ្រឿងម៉ាក Honda Dreams ផលិតឆ្នាំ២០២៣ ពណ៍ខ្មៅ ពាក់ផ្លាកលេខ ភ្នំពេញ 1KG-2145 បើកបរដោយឈ្មោះ កៅ ចាន់ ភេទប្រុស អាយុ៣៦ ឆ្នាំ រស់នៅភូមិគគីរធំ ឃុំគគីរធំ ស្រុកកៀនស្វាយ ខេត្ដកណ្ដាល បើកបរទិសដៅពីគគីរធំ ទៅរោងចក្រសួនឧស្សាហកម្ម បានជិះទិសដៅបញ្ច្រាសទិសគ្នា ។ ម៉ូតូជនរងគ្រោះបានជិះដួលខ្លួនឯង បណ្តាលឲ្យជះជនរងគ្រោះចូលរថយន្ដ ។ គាប់ជួនរថយន្តបានកិនពីលើ បានស្លាប់នៅកន្លែងកើតហេតុតែម្តង ។
កម្លាំងប៉ុស្ដិ៍នគរបាលសំរោងធំបានសហការជាមួយកម្លាំងជំនាញចុះមកវាស់វែងយកម៉ូតូយកទៅរក្សាទុកជាភស្តុតាង នៅអធិការដ្ឋាននគរស្រុកកៀនស្វាយ ដើម្បីបន្តចំណាត់ការតាមនីតិវិធី ។
ចំណែកសពជនរងគ្រោះ រង់ចាំជំនាញប្រគល់ជូនសាច់ញាតិយកទៅធ្វើបុណ្យតាមប្រពៃណី ៕
