រាជធានីភ្នំពេញ៖ ឧបាសិកា ឌឹម យ៉ាំ ព្រមទាំងបុត្រ និងចៅៗកប់ស្រូវធំ រួមទាំងលោកបណ្ឌិត ឃីម រដ្ឋា និងលោកស្រី សេង ច្រឹប និងកូនចៅ ព្រមទាំងពុទ្ធបរិស័ទរាជធានីខេត្តជិតឆ្ងាយ រួមជាមួយពុទ្ធបរិស័ទ ចំណុះជើងវត្ត សុក្ខគិរីសោភ័ណ្ឌ (ហៅវត្តកប់ស្រូវ) បានមូលមតិគ្នាជា ឯកច្ឆ័ន្ធផ្តើមធ្វើ បុណ្យកឋិនទានសាមគ្គី មួយដង្ហែរ ទៅវេរប្រគេន ព្រះសង្ឃ ដែលគង់ចាំព្រះវស្សា អស់ត្រីមាសអស់រយៈពេល ៣ខែកន្លងមកក្នុងពទ្ធសីមា វត្ត សុក្ខគិរីសោភ័ណ្ឌ (ហៅវត្តកប់ស្រូវ) ស្ថិតនៅ ក្នុងភូមិកប់ស្រូវតូច ក្នុងសង្កាត់គោករកា ខណ្ឌព្រែកព្នៅ ក្រុងភ្នំពេញ ដើម្បីប្រមូល បច្ច័យយកមក កសាងសមិទ្ធផលនានា ក្នុងទីធ្លាអារាមវត្ត ។
ឯកបណ្ឌិតឧត្តម ជា ដែន មានសទ្ធាជ្រះថ្លាបានចូលរូមជាបច្ច័យចំនួន ២០ ម៉ឺនរៀល សម្រាប់បុណ្យអង្គកឋិនទានសាមគ្គីនេះផងដែល ដោយឯកឧត្តមយល់ឃើញថា បុណ្យកឋិនទាន ជាទានមួយដែលប្លែកពីទានដ៏ទៃៗទៀត ព្រោះបានផលដល់ទាយកជាម្ចាស់ទានផង និងភិក្ខុសង្ឃដែលទទួលក្រាលគ្រងផង និង ប្លែកដោយកាលមានតែត្រឹម២៩ថ្ងៃតែប៉ុណ្ណោះ ហើយវត្តមួយទទួលបានតែម្តងក្នុងមួយឆ្នាំ។ ប្លែកដោយអានិសង្ស អ្នកប្រគេន ក៍បានអានិសង្ស និងអ្នកទទួលក្រាលគ្រង អនុមោទនាក៍បានអានិសង្ស ប្លែកដោយអំពើគឺបុគ្គលដែលធ្វើតាមព្រះវិន័យប្រកបដោយធម៌ត្រឹមត្រូវ ប្លែកដោយវត្ថុ គឺវត្ថុសំរាប់ កឋិនមានបីគឺ ស្បង់ ចីវរ សង្ឃាដី ក្រៅពីនោះគីជា អត្ថបរិក្ខារ កឋិន។
លោកបណ្ឌិត ឃីម រដ្ឋា បានបង្ហាញអារម្មណ៍ជ្រះថ្លា ដោយសារមានការជួបជុំពីប្រជាពុទ្ធបរិស័ទនិងបងប្អូនមកពីទីជិតឆ្ងាយ ហើយការជួបជុំនេះដែរ អាចប្រព្រឹត្តទៅក៏អាស្រ័យដោយកត្តាប្រទេសជាតិ មានសុខសន្តិភាពពេញលេញ មានស្ថេរភាព នយោបាយ និងការអភិវឌ្ឍន៍រីកចំរើនលើគ្រប់វិស័យ ក្រោមការដឹកនាំដ៏ត្រឹមត្រូវរបស់សម្តេចមហាសេនាតេជោ ហ៊ុន សែន និងសម្ដេចគតិបណ្ឌិត ប៊ុន រ៉ានី ហ៊ុនសែន ជាពិសេសសម្ដេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានធ្វើអោយកម្ពុជាមានការអភិវឌ្ឍន៍លើគ្រប់វិស័យ ទាំងផ្នែកពុទ្ធចក្រ និងអាណាចក្រ។
សូមបញ្ជាក់ថាកម្មវិធីបុណ្យអង្គកឋិនទានសាមគ្គីនេះ និងប្រព្រឹត្តទៅនៅថ្ងៃ សៅរ៍ ២ រោច ខែ អស្សុច ឆ្នាំ រោង ឆស័ក ព.ស ២៥៦៨ ត្រូវនឹង ថ្ងៃទី ០៩ ខែ តុលា ឆ្នាំ២០២៤ នៅក្នុងពុទ្ធសីមា វត្ត សុក្ខគិរីសោភ័ណ្ឌ (ហៅវត្តកប់ស្រូវ) ស្ថិតនៅ ក្នុងភូមិកប់ស្រូវតូច ក្នុងសង្កាត់គោករកា ខណ្ឌព្រែកព្នៅ ក្រុងភ្នំពេញ ៕
