ភ្នំពេញ ៖ កាលពីព្រឹកថ្ងៃចន្ទ ៤កើត ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃ ទី៤ ខែវិច្ឆិកា ឆ្នាំ២០២៤ សមាគមកសិកម្មដើម្បីសេដ្ឋកិច្ចគ្រួសារកម្ពុជា សន្តិភាព បានប្រារព្ធពិធីចុះ MOU អនុស្សារណៈ ស្តីពីការផ្តល់អាហារូបករណ៍ដល់សមាជិក សមាជិការ សមាគមកសិកម្ម ដើម្បីសេដ្ឋកិច្ចគ្រួសារកម្ពុជា សន្តិភាព ។
អញ្ជើញចូលរួមពីធី សមាគមកសិកម្មដើម្បីសេដ្ឋកិច្ចគ្រួសារកម្ពុជា សន្តិភាព ដឹកនាំដោយ លោកស្រី ប្រធាន នៅ ស្រីល័ក្ខ, អនុប្រធានទី០១ លោក ជា សារ៉ាត់ ប្រធាន ធីម ១១៧, លោក ឡាង តុលា, លោក ចាងហ្វាង រស្មីស្ទឹងត្រង់ ឃីម រដ្ឋា រួមទាំង ប្រធាន អនុប្រធាន សមាជិកសមាជិកា ចូលរួមសរុប ៣០ នាក់ ។
កម្មវិធីចុះ MOU អាហារូបករណ៍ មានពីកម្រិតមត្តេយ្យដល់មហាវិទ្យាល័យ និង ជំនាញឯកទេស ផ្តល់មកតាមរយៈសមាគម ក្នុងនោះ ថ្នាក់បរិញ្ញាប័ត្ររង បរិញ្ញាបត្រ បរិញ្ញាបត្រជាន់ខ្ពស់ ចំនួន ៣០០ កន្លែង និង ថ្នាក់ចំណេះដឹងទូទៅ ១០០កន្លែង សរុប ៤០០ កន្លែង នៅសាលាអលណេសិន ដែលមានទីតាំងស្ថិតនៅ ភូមិ ត្រពាំងក្រសាំង សង្កាត់ ត្រពាំងក្រសាំង ខណ្ឌពោធិ៍សែនជ័យ ក្រុងភ្នំពេញ ។
សូមបញ្ជាក់ថា សាលាអលណេសិន មានមុខវិជ្ជាសិក្សាដូចខាងក្រោម ៖
១. ភាសាកូរ៉េ
២. ភាសាអង់គ្លេស
៣. ភាសាចិន
៤. ភាសាជប៉ុន
៥. នីតិសាស្ត្រ
៦. រដ្ឋបាលសាធារណៈ
៧. ទំនាក់ទំនងអន្តរជាតិ
៨. ព័ត៌មានវិទ្យា
៩. គណនេយ្យ និងហិរញ្ញវត្ថុ
១០. ធនាគារ និងហិរញ្ញវត្ថុ
១១. សណ្ឋាគារ និងការគ្រប់គ្រងទេសចរណ៍
១២. ទីផ្សារ និងការគ្រប់គ្រងអាជីវកម្ម
១៣. ការគ្រប់គ្រង និងភាពជាអ្នកដឹកនាំ
១៤. វិទ្យាសាស្ត្រកុំព្យូទ័រ
១៥. ការគ្រប់គ្រងធនធានមនុស្ស
១៦. សំណង់ស៊ីវិល និង
១៧. តបណ្តាញអគ្គិសនី៕
