ស្រុកសំរោងទង៖ លោកវរសេនីយ៍ឯក ឃុត សុផល អធិការនគរបាលស្រុកសំរោងទង. ដោយអនុវត្តតាមអនុសាសន៍ ដ៏ខ្ពង់ខ្ពស់របស់ លោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ នៅព្រឹកថ្ងៃព្រហស្បតិ៍ទី០៦ ខែវិច្ឆិកា ឆ្នាំ២០២៥នេះ បានអញ្ជើញដឹងនាំបើកកិច្ចប្រជុំ÷ ផ្សព្វផ្សាយអនុក្រឹត្យលេខ ១៧៧អនក្រ.បក ចុះថ្ងៃទី២៩ ខែកញ្ញា ឆ្នាំ២០២៥.ស្ដីពីឯកសណ្ឋាន សញ្ញា សម្គាល់ និងទង់នគរបាលជាតិកម្ពុជា ដោយមានសមាសភាពចូលរួមពី លោក-លោកស្រីអធិការរង នាយផ្នែក នាយប៉ុស្តិ៍ នាយរងផ្នែក នាយរងប៉ុស្ដិ៍ និងមន្ដ្រីប៉ុស្តិ៍ទាំងអស់ចំណុះអធិការដ្ឋាននគរបាលស្រុកសំរោងទង ។
លោកវរសេនីយ៍ឯក ឃុត សុផល ថាការផ្សព្វផ្សាយប្រកាសលេខ ៨៧៣ប្រក ចុះថ្ងៃទី០៥ ខែមីនា ឆ្នាំ ២០២៤ របស់ក្រសួងមហាផ្ទៃ ស្ដីពីបទវិន័យនគរបាលជាតិកម្ពុជា÷
១.ការគ្រងឯកសណ្ឋាននគរបាលជាតិឲ្យបានត្រឹមត្រូវ
២.ពង្រឹងការងារ និងតួនាទីភារកិច្ចប៉ុស្តិ៍នគរបាលរដ្ឋបាល
៣.ការងារសាមគ្គីភាព អនាម័យនិងកែលម្អរអង្គភាព និងការងារចុះបញ្ជីវត្តមានប្រចាំថ្ងៃឲ្យបានត្រឹមត្រូវផងដែរ ៕
