ខេត្តកំពង់ស្ពឺ ៖ នៅថ្ងៃទី 2 ខែធ្នូឆ្នាំ 2025 វេលាម៉ោង 10:45 នាទី លោក បណ្ឌិត ឃីមរដ្ឋា ចាងហ្វាងការផ្សាយ គេហទំព័រ រដ្ឋា រស្មីស្ទឹងត្រង់ និងក្រុមការងារបាននាំយកឯកសណ្ឋាន រួមមាន ខោអាវ ចំនួន 15 កំប្លេ និងថវិកាមួយចំនួន ដើម្បីចែកជូន ប្រជាការពារ និងលោកនាយប៉ុស្តិ៍ នៅឃុំទឹកល្អក់ ស្រុកគងពិសី ខេត្តកំពង់ស្ពឺ ។
ក្នុងឱកាសនោះ លោកក៏បានមតិសំណេះសំណាល និងលើកឡើងពីប្រជាការពារ ដែលមាន តួនាទីសំខាន់ក្នុងការចូលរួមជួយមន្ត្រីនគរបាលទៅវិញទៅមក។ បើទោះបីជា ប្រជាការពារមិនមែនជាមន្ត្រីក្របខណ្ឌ ប៉ុន្តែប្រជាការពារបានចូលរួមជាមួយគ្នា ធ្វើការងារយ៉ាង ច្រើននៅក្នុងមូលដ្ឋានគ្រប់បែប យ៉ាង រួមមានការងារសន្តិសុខ អនាម័យ បរិស្ថាន ។
យើងត្រូវចូលរួមជ្រោមជ្រែងអនុវត្តនូវគោលនយោបាយ ភូមិ ឃុំ សង្កាត់មានសុវត្ថិភាព ក្នុងការពារសន្តិសុខជូនមូលដ្ឋាន ដើម្បីបម្រើសុខ សុវត្ថិភាព ជូនប្រជាពលរដ្ឋ ។ លោកក៏បានសូមថ្លែងអំណរគុណដល់ប្រជាការពាររបស់យើង និងសូមបន្តការងារដ៏ឧត្តុងឧត្តមរបស់បងប្អូនបន្ថែមទៀត ។
បន្ទាប់ពីការសំណេះសំណាល លោក និងក្រុមសប្បុរសជន ក៏បានប្រគល់ឯកសណ្ឋានជាសម្លៀកបំពាក់ ចំនួន 15 កំប្លេ រួមមាន ខោ 15 អាវ 15 ខ្សែក្រវ៉ាត់ 15 និងថវិកាមួយចំនួន ជូន ប្រជាការពារ និងលោកនាយប៉ុស្តិ៍ នៅឃុំទឹកល្អក់ ស្រុកគងពិសី ខេត្តកំពង់ស្ពឺ ។
សូមបញ្ជាក់ផងដែរថា សប្បុរសជន ដែលបានរួមចំណែកឧបត្ថម្ភ មាន ១-លោកជំទាវ ឆា សុខន ២-លោកជំទាវ ភ្នំ វណ្ណា ៣-លោក ស្រីនី ៤-លោក ស្រី ណារិន ៥-លោក អ៊ិន យឿន ៦-លោក ស៊ឹម សំអាន ៧-លោក ហេង សុ ផាត ៨-លោកលីគឹមស៊ុន ៩-លោក នាង តឿន ១០-លោក ពិន យឿន ៕
