ភ្នំពេញ÷ នៅថ្ងៃសុក្រ ១១កើត ខែចេត្រ ឆ្នាំរោង ឆស័ក ព.ស.២៥៦៧ ត្រូវនឹងថ្ងៃទី១៩ ខែមេសា ឆ្នាំ២០២៤ ក្រសួងព័ត៌មានរៀបចំសិក្ខាសាលាតម្រង់ទិស ដើម្បីរៀបចំស្តង់ដារប្រតិបត្តិរួម សម្រាប់វិជ្ជាជីវៈសារព័ត៌មាន ក្រោមអធិបតីភាព ឯកឧត្តម រដ្ឋមន្ត្រី នេត្រ ភក្ត្រា ដែលបានប្រព្រឹត្តទៅ នៅអគារសាលចតុមុខមង្គល ទីស្តីការក្រសួងព័ត៌មាន ។
ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានលើកឡើងថា សិក្ខាសាលានេះ មានសារៈសំខាន់សម្រាប់ប្រមូលធាតុចូល ក្នុងការរៀបចំស្តង់ដាប្រិបត្តិរួម សម្រាប់វិជ្ជាជីវៈសារព័ត៌មាន ។
នាឱកាសនោះ លោក គ្រោង រដ្ឋា ចាងហ្វាងសារព័ត៌មាន រស្មីស្ទឹងត្រង់ ក៏បានចូលរួមសិក្ខាសាលាតម្រង់ទិស ដើម្បីរៀបចំស្តង់ដារប្រតិបត្តិរួម សម្រាប់វិជ្ជាជីវៈសារព័ត៌មាន ដែលរៀបចំដោយ ក្រសួងព័ត៌មាននេះផងដែរ ។
សិក្ខាសាលានេះ មានការចូលរួមពីថ្នាក់ដឹកនាំក្រសួង ទីប្រឹក្សា និងតំណាងសមាគមអ្នកសារព័ត៌មាន ប្រមាណ៣០០នាក់ ៕
