ខេត្តកំពង់ស្ពឺ÷អង្គភាពសារព័ត៌មានយើងទទួលបានប្រភពព័ត៌មានមួយបានឲ្យដឹងថា នៅព្រឹកថ្ងៃទី២១ ខែមេសា ឆ្នាំ២០២៤ ដោយទទួលបានពត៌មានខ្សឹបខ្សៀវពីប្រជាពលរដ្ឋក្នុងមូលដ្ឋានត្រង់ចំណុចជំនាប់ឫស្សី ស្ថិតក្នុងភូមិត្រពាំងធ្មៀរ ឃុំតាសាល ស្រុកឱរ៉ាល់ ខេត្តកំពង់ស្ពឺ នឹង មានការផ្សព្វផ្សាយបន្តផ្ទាល់ពីសារព័ត៌មាន KH Plush News កាលពីយប់ថ្ងៃទី២០ ខែ មេសា ឆ្នាំ២០២៤ដោយមានការអត្ថាធិប្បាយ លោក ពូហន និង ឯកឧត្តម ជូន គន្ធា បានឡាយនិយាយពីការចែកដីជូនប្រជាពលរដ្ឋក្រីក្រក្នុងមួយឡូដ៍ទំហំ១០ម៉ែត្រx៣០ម៉ែត្រ ត្រង់ចំណុចជំនាប់ឫស្សី ស្ថិតក្នុងភូមិត្រពាំងធ្មៀរ ឃុំតាសាល ស្រុកឱរ៉ាល់ ខេត្តកំពង់ស្ពឺ ក្នុងតម្លៃក្នុងមួយឡូតិ៍ ៤៥០ដុល្លា សម្រាប់ថ្លៃសេវារដ្ឋបាលជូនមកម្ចាស់ដីឡូតិ៍ផងដែរ ។
ដោយមានការយកចិត្តទុកដាក់ពីលោក ងួន វាសនា អភិបាលនៃគណៈអភិបាលស្រុកឱរ៉ាល់ បានរាយការណ៍ព័ត៌មានពីការឡាយចែកលក់ដីឡូតិ៍ ស្ថិតក្នុងភូមិត្រពាំងធ្មៀរ ឃុំតាសាល ស្រុកឱរ៉ាល់ ដែលជាដីស្ថិតក្នុងដែនជំរកសត្វព្រៃភ្នំឱរ៉ាល់ ដែលត្រូវបានការពារដោយច្បាប់ ហើយគ្មានបុគ្គលណាអាចកាប់ឆ្ការ ឬទន្ទ្រាន ឬឈូសឆាយលើដីនោះបានឡើយនោះ។
តាមសេចក្តីជូនដំណឹងរបស់រដ្ឋបាលស្រុកឱរ៉ាល់ លេខ √ /២៤ សជណ ធ្វើនៅព្រឹកថ្ងៃទី ២១ ខែ មេសា ឆ្នាំ ២០២៤រដ្ឋបាលស្រុកឱរ៉ាល់ សូមបដិសេធមិនទទួលស្គាល់ដឹងឮលើករណីខាងលើ ព្រោះការអះអាងរបស់បុគ្គល ខាងលើ ជាដីស្ថិតក្នុងដែនជម្រកសត្វព្រៃភ្នំឱរ៉ាល់ ដែលត្រូវបានការពារដោយច្បាប់ ហើយគ្មានបុគ្គលណា អាច កាប់ឆ្ការ ទន្ទ្រាន រឺឈូសឆាយលើដីនោះបានឡើយ ក្នុងករណីបើរដ្ឋចែកដីជូនប្រជាពលរដ្ឋក្រីក្រ គឺអនុវត្តតាមគោលនយោបាយដីសម្បទានសង្គមកិច្ចដែលមិនតម្រូវឱ្យប្រជាពលរដ្ឋក្រីក្របង់ប្រាក់ទេ ។
យោងតាមប្រភពព័ត៌មានបានបន្តឲ្យដឹងបន្ថែមទៀតថា នៅថ្ងៃដដែលនោះ ដោយមានការសម្របសម្រួលពីគណៈបញ្ជាការឯកភាពស្រុកឱរ៉ាល់ដឹកនាំដោយ លោក សួស ប៊ុនធឿន អភអភិបាលរងស្រុកឱរ៉ាល់និង លោក ប៊ុត ប៊ុនធឿន អធិការនគរបាលស្រុកឱរ៉ាល់ និងលោក សុន សុខលៀង អនុប្រធានការិយាល័យដែនជម្រកសត្វព្រៃស្រុកឱរ៉ាល់ បានចុះទៅដល់គោលដៅការជួបជុំ ដោយកម្លាំងផ្នែកសន្តិសុខនៃអធិការនគរបាលស្រុកឱរ៉ាល់ បានសហការជាមួយកម្លាំងប៉ុស្តិ៍នគរបាលតាសាល បានចុះទៅស្រាវជ្រាវដល់ទីតាំង ជាលទ្ធផល ប្រទះឃ់ញរោងមួយខ្នង តុ១០ កៅ១០០ គោដុត០១ក្បាល ដែលត្រៀមសម្រាប់ទទួលអតិថិជន មកទទួលដី ។
ចំណែកមេក្លោងក្នុងការចែកដីរួមមាន៖
១/ ឯកឧត្តម ជូន គន្ធា ភេទប្រុស
២/ លោក ប្រាក់ មូល ភេទប្រុស អតីតអធិការរង
៣/ លោក ជា សំអឿន ភេទប្រុស
៤/ លោក ហេង សើ ភេទប្រុស
ក្រោយពីរការសាកសួររួចមក កម្លាំងសមត្ថកិច្ច និងមន្ត្រីជំនាញបានអោយម្ចាស់រោងរុះរើយកសំភារះត្រលប់យកទៅវិញ ហើយក៏មិនអោយមានការជួបជុំនៅត្រង់ចំណុចនេះបន្តទៀតដែរ ៕
